Архив: Author: admin

2021 жылғы 10 желтоқсанда Нұр-Сұлтан қаласында VI «WorldSkills Kazakhstan-2021» республикалық кәсіби шеберлік чемпионатының жабылу салтанаты өтті.

Ақан сері атындағы жоғары мәдениет колледжінің «Интерьер дизайны» біліктілігінің 4 курс білім алушысы Ангелина Саакян «Флористика» құзыреттілігі бойынша  жүлделі 1-ші орынға ие болды.

Осы чемпионатқа Ангелинаны дайындаған сарапшы-компатриот, колледжіміздің дизайн пәндері оқытушысы  Құсайынова Қымбат Мұқанқызына алғысымызды білдіреміз.

Құрметті Ангелина  және Қымбат Мұқанқызы, жеңістеріңіз құтты болсын! Алдағы уақытта шығармашылық табыстар тілейміз,  әрқашан осындай биік белестерді бағындыра беріңіздер!

Ақан сері атындағы жоғары мәдениет колледжінің ұжымы директордың оқу ісі жөніндегі орынбасары, физика және математика пәндерінің оқытушысы Райхан Балтабекқызы Баткульдинаны жас ұрпақты оқыту және тәрбиелеу ісіндегі елеулі табыстары үшін «Ы.Алтынсарин» төс белгісі марапатымен   құттықтайды!

Райхан Балтабекқызы, деніңізге саулық, отбасыңызға бақ-береке тілейміз. Қуанышты сәттер көп болып, еңбегіңіз әрқашан бағалана берсін.

03 желтоқсан күні Көкшетау қаласы Ақан сері атындағы жоғары мәдениет колледжінде «Нашақорлықтың алдын алу», «Кәмелетке толмағандар арасындағы жыныстық қол сұғылмаушылық және құқық бұзушылықтың алдын алу туралы»  тақырыптарында студенттермен кездесу өтті.

Ақмола облысы ІІД есірткі қылмысына қарсы күрес басқармасының аға жедел уәкілі,  полиция майоры Разия Талғатқызы Курсанова студенттерге есірткіні қолдану және тарату туралы бейнеролик көрсету арқылы нашақорлықтың алдын алу туралы айтып берді. Разия Талғатқызы студенттермен викторина өткізіп, 3 БП тобының студенті Целых Полина, 1 КҚҰ тобының студенті  София Овсяникова бағалы сыйлықтармен марапатталды.

«Жыныстық қол сұғылмаушылық және кәмелетке толмағандар арасындағы құқық бұзушылықтың алдын алу туралы»  Көкшетау қаласы бойынша ПБ ЖПҚБ аға учаскелік  инспекторы,  полиция майоры Айжан Омарбаевна  Кошкенова түсіндірді.

#qazaqstan30

#aqmola30kz

2021 жылдың 23 қарашасында Ақан сері атындағы жоғары мәдениет колледжінің әдістемелік кеңесінің отырысы өтті. Негізгі міндеті: педагогикалық ұжымның ғылыми-әдістемелік әлеуетін жетілдіру бойынша жұмысты үйлестіру, жаңа технологияларды, оқыту әдістері мен құралдарын пайдалану және жетілдіру бойынша жұмысты ұйымдастыру.

Келесі сұрақтар қарастырылды: «CLIL әдістемесі: пәндік-тілдік кіріктірілген оқыту» тақырыбы бойынша педагог-зерттеуші, ағылшын тілі оқытушысы Шапенова Гаухар Кабдешевна сөз сөйледі. Оқу бөлімінің меңгерушісі Алмагүл Қанатқызы Қажымұратова оқу сабақтарының үлгерімі мен сабаққа қатысуын бақылау бойынша талдау жүргізді. Оқу үдерісін ақпараттық қамтамасыз етудің өзекті мәселелері және ҰБДБ-ның жағдайы  туралы математика пәнінің оқытушысы Таверхан Ерлан сөз сөйледі.

1 ИД қаз. тобының кураторы З.О. Идрисова, 1 ИД ор.  (бірінші шағын топ) кураторы А.М.Бисарин, 1 ИД (2 шағын топ) кураторы Ж.М.Болатова студенттердің бейімделу үдерісі, дайындық деңгейі, студенттердің эмоционалдық жағдайы туралы ақпарат берді.

Сондай-ақ, педагогтарды аттестаттауға, тестілеуге және колледжішілік «Үздік педагог-2022» байқауына дайындық мәселесі бойынша жұмыс талданды.

Барлық сұрақтар бойынша ұсыныстар жасалып, Пәндік комиссия жетекшілеріне жеке тапсырмалар берілді.

2021 жылдың 11 қарашасында Ақан сері атындағы жоғары мәдениет колледжінде «Флористика» құзыреттілігі бойынша «WorldSkills Kazakhstan-2021» VI республикалық кәсіби шеберлік чемпионатының 3 – ші қорытынды байқау күні өтті.

Бұл күні байқауға қатысушылар флористикалық дизайнның негізгі бағыттарының бірі – «Үйлену тойы»  бойынша өз білімдері мен шеберліктерін көрсетті.

E модулі бойынша  «Қалыңдықтың букетін алмастыратын үйлену тойы әшекейі» байқау  жұмысын орындау үрдісінде қатысушылар 2 сағат ішінде қалыңдық үшін букетін  алмастыратын әшекей жасады. Жұмыс қалыңдықтың бейнесіне сәйкес келуі және ұсынылған үйлену көйлегіне үйлесімді болуы керек.

F модулі бойынша байқау жұмысы «Тапсырма – тосын сый – үйлену Президиумы» деп аталды.

Бұл тапсырма ұсынылған үйлену президиумын безендіру үшін гүлдердің  композициясын жасауға бағытталған. Байқау модулін орындауға 15 минут қалғанда тапсырманы жариялау ерекше шарт (тосын сый) болды.

Чемпионаттың барлық қатысушылары қорытынды күннің тапсырмаларын лайықты орындады.

Толқу артта қалды, алда – нәтижелерді асыға күту.

«Флористика» құзыреттілігі бойынша «WorldSkillsKazakhstan-2021» республикалық кәсіби шеберлік чемпионатының 3-ші күні мерекелік жабылу рәсімімен аяқталды. Ақан сері атындағы жоғары мәдениет колледжінің мәжіліс залының сахнасына барлық байқау  күндері  ішінде флористикалық дизайнның негізгі бағыттары бойынша өз шеберліктері мен дағдыларын көрсеткен чемпионат қатысушылары шақырылды. Байқау алаңының жұмысын аяқтау аясында «Флористика»  құзыреттілігі бойынша бас сарапшы Акимбаева Назель Рахимовна сөз сөйледі.

Чемпионаттың барлық қатысушыларына алдағы уақытта да  кәсіби жетістіктер мен шығармашылық шабыт  тілейміз!

Ақан сері атындағы жоғары мәдениет колледжінің 4 курс студенті Дана Сағнаева Қостанай облысы әкімдігінің білім басқармасы жанындағы «Қостанай педагогикалық колледжі» КМҚК базасында өтіп жатқан «Хореография ұжымының жетекшісі» құзыреттілігі бойынша «WorldSkills Kazakhstan-2021» VI республикалық кәсіби шеберлік чемпионатына қатысып жатыр. Шығармашылық әлеуеті мен ынталы дайындығының арқасында Дана аймақтық чемпионатта 1-ші орынға ие болды. Қазіргі уақытта  Ұлттық чемпионатқа қатысу жолында, оған Ақмола облысының атынан өкілдік ету құрметі бұйырды.  Колледж  өз студентінің жетістігімен мақтанады!  Ұлттық чемпионатта Данаға сәттілік тілейміз!

Республикада алғаш рет Техникалық және кәсіптік, орта білімнен кейінгі білім беру ұйымдарының педагогтері арасындағы мәдениет және өнер саласы бойынша кәсіби шеберліктің Республикалық байқауы өтті.    Хореография өнері бойынша колледждің хореографиялық пәндер оқытушысы  Ордабаева Гульмира Мерғалиқызы қатысып,  1-орынға ие болды. 4 модуль бойынша өткен байқауда  ол теориялық және практикалық дайындығын, кәсіби шеберлігі мен дағдыларын, жоғары еңбек мәдениетін көрсетті.

Гүлмира Мерғалиқызын құттықтаймыз!  Шығармашылық табыс тілейміз!

Ақан сері атындағы жоғары мәдениет колледжінің  кітапханасында  Шахмет Құсайынов атындағы қазақ музыкалық драма театрының ірге тасын қалаушылардың бірі, бүгінде актерлығымен, режиссерлығымен, кино – телевизия саласын қатар алып жүрген Сафуан Шаймерденовпен кездесу кеші өтті.

Санқырлы талант иесі колледж студенттеріне актерлік өнердің қыр-сырын таныстырып, студент жастардың сұрақтарына жауап берді. Кеш  сұхбаттасу алаңы форматында өтті.

2021 жылдың 10 қарашасында Ақан сері атындағы жоғары мәдениет колледжінде          «Флористика» құзыреттілігі бойынша «WorldSkills Kazakhstan-2021» VI республикалық кәсіби шеберлік чемпионатының 2 – ші байқау күні өтті.

Байқау барысында қатысушылар 2 тапсырманы орындады.

С модулі бойынша «Күз» тақырыбына арналған қаңқадағы креативті букет» тапсырмасын орындауға 2 сағат бөлінді, оның барысында чемпионатқа қатысушылар жаңа кесілген гүлдер мен жасыл желектерді пайдаланып, қаңқаға букет жасады.  Бұл модульдің қаңқасы қатысушылармен алдын-ала дайындалды. Жұмыстарды бағалау кезінде техникалық дағдылармен қатар көркемдік талғам мен креативтілік ескерілді.

D модулі бойынша «Лобби отельге арналған композиция» тапсырмасын  орындау кезінде қатысушылар 2,5 сағат ішінде ұсынылған кеңістікті интерьермен органикалық үйлестіру мақсатында жаңа кесілген және  кептірілген гүлдердің интерьерлік композициясын жасады. Жұмыстарды бағалау кезінде түстердің бір-бірімен және қоршаған ортамен үйлесімділігі, интерьер палитрасына сәйкестігі, интерьер шешіміндегі креативтік  тәсіл назарға алынды.

Екінші байқау күнінің нәтижелері Чемпионаттың барлық қатысушыларының шығармашылық шабыты мен кәсібилігі туралы айтуға мүмкіндік береді!