Ақан сері атындағы жоғары мәдениет колледжі Көкшетау қаласы
2021 жылғы 10 қаңтарда Қазақстанның әрбір азаматы Қазақстан Республикасы Парламенті Мәжілісінің депутаттарын сайлауда өзінің азаматтық ұстанымын көрсете алды. Бұл Тәуелсіз Қазақстан тарихындағы сегізінші парламенттік сайлау болды, Мәжіліс депутаттарын сайлаумен қатар барлық деңгейдегі (аудандық, қалалық, облыстық) мәслихаттар депутаттарын сайлау өтті. Осы қиын-қыстау кезеңде сайлауды өткізу үшін үлкен жауапкершілік сайлау заңнамасына сәйкес құрылған, сайлауды дайындау мен өткізуді ұйымдастыратын және қамтамасыз ететін тәуелсіз алқалы орган болып табылатын сайлау комиссияларына жүктелді. Әрбір сайлаушы үшін сайлау комиссиялары дауыс беруді ұйымдастыру және өткізу кезінде қажетті жағдайлар жасады. Көкшетау қаласының 26 учаскесіндегі сайлау комиссиясының үйлесімді жұмысы байқаушылармен және сайлаушылармен атап өтілді. Осыған байланысты Қазақстан Республикасы Орталық сайлау комиссиясының грамотасымен сайлау комиссиясының төрайымы Құралай Ғазизқызы Идрисова және Комиссияның барлық құрамы марапатталды.
2021 жылғы 29 қаңтарда «Қашықтықтан оқытудың белсенді әдістері арқылы студенттердің шығармашылық ерекшеліктерін дамыту» тақырыбында Ақмола облысының шығармашылық бағытының ӘБ online отырысы өтті.
Вебинардың мақсаты – ТжКБ қашықтықтан оқыту форматында оқытудың белсенді әдістерін пайдалану аспектілері бойынша тәжірибе алмасу.
Отырысқа ТжКБ әдіскерлері, арнайы пәндер оқытушылары, өндірістік оқыту шеберлері қатысты. Білім басқармасының ОӘК әдіскері Сәуле Болатқызы Жұмажанова Ақан сері атындағы жоғары мәдениет колледжі ӘБ-ң жаңа төрайымы, демалыстану пәндері оқытушысы Наталья Викторовна Шапкинаны таныстырды.
Конференция барысында шығармашылық бағыттағы әріптестер қашықтықтан оқыту форматында қолданылатын әдістермен, тәсілдермен, жаңа технологиялармен бөлісті.
Ақан сері атындағы жоғары мәдениет колледжі оқытушылары хореографиялық пәндер оқытушысы Рафаэль Геннадьевич Хамидов «Педагог-ұйымдастырушы, би ұжымының жетекшісі мамандығын оқыту ерекшеліктері» және демалыстану пәндері оқытушысы Кәкім Риянбекұлы Хасамбай «Онлайн конкурсқа сценарий жазу» тақырыптарында қашықтықтан оқыту кезіндегі өздерінің оқыту әдістерімен бөлісті.
Вебинар соңында қатысушылар арасында пікір алмасу болды.
Ақан сері атындағы жоғары мәдениет колледжінің «Педагог-мәдени демалыс ұйымдастырушы, би ұжымының жетекшісі» мамандығының З курс студенті Дана Сағынаева үздіктердің бірі. Жауапты, белсенді, мақсатшыл, бос уақытында балалар хореографиялық үйірмесінде сабақ жүргізеді және қазірдің өзінде мамандыққа алғашқы сенімді қадамдар жасауда.
Балалардың таланттарын дамытуға қосқан үлесі үшін, сондай-ақ балалар мен жасөспірімдер арасындағы «Ғажайып жаңа жыл!» концерт-фестиваліне белсенді қатысқаны үшін Дана кубокпен, дипломмен және алғыс хатпен марапатталды.
Ақан сері атындағы жоғары мәдениет колледжінің «Драма театрының әртісі» біліктілігі «ADT-TIMES» бағдарламасын көруге шақырады . № 4 шығарылым. Барлығыңызға жағымды көрініс тілейміз!
2021 жылғы 20 қаңтарда Ақан сері атындағы атындағы жоғары мәдениет колледжінде, Атбасар және Бурабай аудандарының мектептерімен «Өнер – менің болашағым» ұранымен zoom – конференциясы өтті. Конференция барысында қатысушылар колледжбен және оның жетістіктерімен танысып, колледжде оқытылатын мамандықтар туралы білді, қызықтырған сұрақтарға жауап алды.
Конференцияға «Бурабай ауданы білім бөлімінің Досов атындағы орта мектебі» ММ, «Атбасар ауданы білім бөлімінің Бейсхазрет негізгі мектебі» КММ, «Бурабай ауданы білім бөлімінің Веденовка орта мектебі» ММ мұғалімдері мен болашақ түлектері қатысты.