Архив: Author: admin

1. Көпшілік талқылауды өткізу күні: 2022 жылғы 1 наурыздан – 30 наурыз аралығында.
2. Көпшілік талқылауды өткізу әдісі: Ақмола облысы білім басқармасының жанындағы «Көкшетау қаласы, Ақан сері атындағы жоғары мәдениет колледжі» МКҚК https://vkkas.edu.kz/ru/ сайтында.
3. Көпшілік талқылау өткізі туралы хабарландыру әдісі: 2022 жылғы 01 наурыздан бастап 2022 ж. 31 наурызға дейін  Ақмола облысы білім басқармасының жанындағы «Көкшетау қаласы, Ақан сері атындағы жоғары мәдениет колледжі» МКҚК https://vkkas.edu.kz/ru/novosti/uvedomlenie-o-publichnom-obsuzhdenii/ сайтында ақпаратты орналастыру.
4. Көпшілік талқылау қатысушыларының ұсыныстары және (немесе) ескертулер тізімі: көпшілік талқылау бойынша өткізілген іс-шаралар нәтижесінде қатысушылардың ұсыныстары және (немесе) ескертулері Ақмола облысы білім басқармасының жанындағы «Көкшетау қаласы, Ақан сері атындағы жоғары мәдениет колледжі» МКҚКна, сондай-ақ ресми интернет-ресурсында келіп түспеді.

Подготовка студентов хореографического направления высшего колледжа культуры им. Ақан сері – это процесс непрерывный, трудоёмкий, энергозатратный и творчески ориентированный, ведь танец – это работа не только тела, а, в первую очередь, работа души. Поступив учиться на хореографа, за каждым студентом закрепляется обязанность ежесекундной работы над собой, без выходных, без “слабинок”, поэтому учатся здесь только самые лучшие, самые стойкие, самые целеустремлённые, но и, конечно же, самые талантливые! Одной из таких студенток является наша звёздочка, наша жемчужина, которая в очередной раз приносит славу и победу нашему учебному заведению – это Сагнаева Дана Ринатовна. Являясь победителем Республиканского конкурса “Топ 100 студентов РК”, руководителем народного ансамбля танца “Жаркын”, детского танцевального коллектива; участником Национального чемпионата “WorldSkills Kazakhstan 2021” по компетенции “Хореография”, Дана продолжает учиться и оттачивает свое профессиональное мастерство, участвуя в конкурсах и фестивалях. 25 марта 2022 года на базе факультета хореографии КазНАИ им. Т. К. Жургенова Дана приняла участие в ежегодном конкурсе молодых хореографов «ҰЛЫ ДАЛА ЖАСТАРЫ 2022», где работы конкурсантов оценивало высокопрофессиональное жюри, в состав которого вошли преподаватели факультета хореографии академии искусств, под председательством Гончаровой Н. Л. – заслуженной артистки Казахстана, профессора кафедры «Педагогика хореографии» факультета «Хореография» КазНАИ им. Т. К. Жургенова.

Безупречно представив свою конкурсную программу, Дана стала Лауреатом первой степени по профилю подготовки Педагогика хореографии и получила право участвовать в конкурсе на поступление в КазНАИ им. Т. К. Жургенова.

Мы поздравляем Дану с таким замечательным результатом,который в очередной раз доказывает не только отличную подготовку студентки, но и профессионализм преподавателей колледжа, которые вкладывают все силы в своих студентов, чтобы они были лучшими из лучших.

Дана, желаем тебе большого будущего, быть всегда на высоте пьедестала! Пусть энергия этих мгновений успеха зарядит тебя позитивом и

даст толчок к новым свершениям! Колледж гордится тобой! Ты истинный пример для подражания всем нашим студентам! Пусть твой путь освещает счастливая звезда!

“ПАРАСАТ” факультативі негізінде дөңгелек үстел отырысы өтті

Наурыз айының 25 – күні Ақан сері атындағы  жоғары мәдениет   колледжінің кітапханасында “Оқуға құштар колледж” бағдарламасы аясында “ПАРАСАТ” факультативі негізінде “Кітап оқы.Тұлғаны таны” атты дөңгелек үстел отырысы өтті. Жиын барысында 1,2,3,4 – курс студенттері жандарына жақын әлем және қазақ  жазушыларының өмірі мен шығармашылығынан слайд көрсетіп, таңдаулы шығармалардың мазмұнын айтып, өз әсерлерімен бөлісті.  Сонымен қатар дөңгелек үстелге колледжі басшысы Құралай Ғазизқызы арнайы қатысып көркем әдебиет оқудың маңыздылығына тоқталып, жастарды кітап оқуға баулып жүрген  “Парасат” факультативінің ұстазы, ақын, Мемлекеттік  “Дарын” жастар сыйлығының лауреаты Манарбек Қыдырбайға ризашылығын білдірді.

Колледж ұстазы  Манарбек Қыдырбайұлы дөңгелек үстел отырысын жүргізіп, студенттердің ойын ұштап,  жастарға өз ақыл кеңесін айтты.

Бүгінгі таңда  кітап оқу үрдісі заманауи технология мен әлеуметтік желілердің тасасында қалып бара жатқаны жасырын емес.  Осы бір олқылықтың орнын толтыру үшін, студенттер санасына сәуле шашып,  кітапқа деген құштарлықтарын оятатын арнайы факультатив ашқызып, білікті мамандарға қолдау жасап жүрген талантты жастардың қолдаушысы колледжі басшысы Құралай Ғазизқызына алғыс білдіреміз.

Қазақстан Республикасы мемлекеттік қызметшілерінің әдептілік нормаларын және мінез-құлық қағидаларын одан әрі жетілдіру жөніндегі шаралар туралы

Қазақстан Республикасы Президентінің 2015 жылғы 29 желтоқсандағы № 153 Жарлығы.

Мемлекеттiк қызметшiлердiң моральдық-адамгершiлік бейнесiне және iскерлiк қасиеттеріне қойылатын талаптарды жоғарылату мақсатында ҚАУЛЫ ЕТЕМІН:

1. Қоса беріліп отырған:

1) Қазақстан Республикасы мемлекеттік қызметшілерінің әдеп кодексі;

2) Әдеп жөнiндегi уәкiл туралы ереже бекітілсін.

Ескерту. 1-тармаққа өзгеріс енгізілді – ҚР Президентінің 22.02.2022 № 814 (алғашқы ресми жарияланған күнінен бастап қолданысқа енгізіледі) Жарлығымен.
2. Осы Жарлыққа қосымшаға сәйкес Қазақстан Республикасы Президентінің кейбір жарлықтарының күші жойылды деп танылсын.

3. Осы Жарлық 2016 жылғы 1 қаңтардан бастап қолданысқа енгiзiледi және ресми жариялануға тиіс.

 Қазақстан Республикасы мемлекеттік қызметшілерінің әдеп кодексі

Ескерту. Әдеп кодексі жаңа редакцияда – ҚР Президентінің 22.02.2022 № 814 (алғашқы ресми жарияланған күнінен бастап қолданысқа енгізіледі) Жарлығымен.

 1-тарау. Жалпы ережелер

      1. Қазақстан Республикасының мемлекеттік қызметі қоғам өмірінде ерекше рөл атқарады. Ол қоғамның тыныс-тіршілігін қамтамасыз етуді және қоғамдық мүдделерді ең үздік және тиімді тәсілмен қанағаттандыруды білдіреді.

Мемлекеттік қызмет қоғам мүдделеріне адалдық танытуға және Қазақстан халқының бірлігі мен елдегі ұлтаралық келісімді нығайтуға ықпал етуге, мемлекеттік тіл мен басқа тілдерге, Қазақстан халқының дәстүрлері мен ғұрыптарына құрметпен қарауға міндеттейді.

Мемлекеттік қызметшілер өз қызметінде мемлекеттік саясатты ұстануға және оны дәйекті түрде іс жүзіне асыруға, қоғамның мемлекеттік қызметке, мемлекет пен оның институттарына деген сенімін сақтауға және нығайтуға ұмтылуы тиіс.

Қоғам мемлекеттік қызметшілер өз міндеттері мен функцияларын заңдарға сәйкес барлық адал ниетімен құзыретті және тиімді түрде орындайды деп есептейді.

Мемлекеттік қызмет атқару қоғам мен мемлекет тарапынан ерекше сенім білдіру болып табылады және мемлекеттік қызметшілердің қызметтік әдебіне жоғары талаптар қояды.

      2. Қазақстан Республикасы мемлекеттік қызметшілерінің осы әдеп кодексі (бұдан әрі – Кодекс) мемлекеттік қызметшілердің қызметтік әдебінің стандарттарын белгілейді және қоғамның мемлекеттік органдарға деген сенімін нығайтуға, мемлекеттік қызметте өзара қарым-қатынастың жоғары мәдениетін және парасаттылық атмосферасын қалыптастыруға, сондай-ақ мемлекеттік қызметшілердің әдепсіз мінез-құлық жағдайларының алдын алуға бағытталған.

      3. Кодекстің мәтіні мемлекеттік органдардың ғимараттарында көпшіліктің қарауына қолжетімді жерлерде орналастырылады.

      4. Осы Кодексте белгіленген қызметтік әдеп стандарттары барлық мемлекеттік қызметшілер үшін міндетті.

 2-тарау. Мемлекеттік қызметтің әдептік қағидаттары

      5. Мемлекеттік қызметшілердің қызметтік әдебі мынадай қағидаттарға негізделеді:

      1) адал ниеттілік – қоғам игілігі үшін мемлекетке кәсіби және жауапты қызмет ету;

      2) адалдық – өз міндеттеріне шынайы көзқарас;

      3) әділдік – жеке және заңды тұлғалардың, қоғамдық топтар мен ұйымдардың ықпалына қарамастан заңды шешім қабылдау және кез келген мән-жайлар бойынша біржақтылық пен субъективтілік себебінен адамдарды кемсітуге жол бермеу;

      4) ашықтық – жұртшылықпен жұмыс істеуге дайын екенін көрсету және өз іс-қимылының ашықтығын қамтамасыз ету;

      5) сыпайылық – азаматтар мен әріптестерге дұрыс және құрметпен қарау;

      6) клиентке бағдарлану – мемлекеттік қызметтерді тұтынушы ретінде халықтың сұраныстарына толықтай бағдарлай отырып, көрсетілетін мемлекеттік қызметтердің сапасын арттыру және жолданымдарды қарау кезiнде төрешiлдiк көрiнiстерiне және әуре-сарсаңға салуға жол бермеу жөнінде шаралар қабылдау.

 3-тарау. Мемлекеттік қызметшілердің қызметтік әдебінің стандарттары

      6. Мемлекеттік қызметшілерге мынадай талаптар қойылады:

      1) қарапайым болу, жалпыға бірдей қабылданған моральдық-әдептік нормаларды сақтау, шындыққа сәйкес келмейтін мәліметтерді таратпау;

      2) мемлекет мүдделеріне және азаматтардың құқықтарына нұқсан келтіретін әрекеттерге қарсы тұру;

      3) заңда белгіленген шектеулерді сақтау, мүдделер қақтығысын болдырмау;

      4) азаматтармен қарым-қатынаста әдептілік таныту, дөрекілік, қадір-қасиетін кемсіту, әдепсіздік және бейәдеп мінез-құлық фактілеріне жол бермеу, өздерінің әрекеттерімен және мінез-құлқымен олардың тарапынан сынға себепкер болмау;

      5) іскерлік әдеп пен ресми мінез-құлық қағидаларын сақтау, азаматтардың көз алдында өздері өкілі болып табылатын мемлекеттік органдардың абыройы мен беделіне айқын нұқсан келтіретін әрекеттер жасауға жол бермеу;

      6) лауазымдық міндеттерді атқаруға байланысты кез келген сипатта құқыққа сыйымсыз уәделерді бермеу және құқыққа сыйымсыз міндеттемелерді алмау;

      7) жеке сипаттағы мәселелерді шешу кезінде мемлекеттік органдардың, ұйымдардың, мемлекеттік қызметшілер мен өзге де адамдардың қызметіне ықпал ету үшін қызметтік жағдайын, сондай-ақ онымен байланысты мүмкіндіктерді қоғамдық және діни бірлестіктердің, басқа да коммерциялық емес ұйымдардың мүдделерінде, оның ішінде оларға өзінің көзқарасын насихаттау үшін пайдаланбау;

      8) мемлекеттік меншіктің сақталуын қамтамасыз ету, мемлекеттік мүлікті тек нысаналы мақсаты бойынша, лауазымдық міндеттерін және рұқсат етілген қызмет түрлерін орындау үшін пайдалану;

      9) қызметтік міндеттерді адал орындауға кедергі келтіретін құқыққа сыйымсыз қаржылық және мүліктік мүдделерді қудаламау.

      7. Мемлекеттік қызметшінің қызметтік міндеттерді орындау кезіндегі сырт келбеті мемлекеттік аппараттың беделін нығайтуға ықпал етуге, ресмилікпен, ұстамдылықпен және ұқыптылықпен ерекшеленетін жалпыға бірдей қабылданған іскерлік стиліне сай болуға тиіс.

      8. Мемлекеттік қызметшілер әріптестерімен қызметтік қарым-қатынаста:

      1) ұжымда іскерлік және жанашыр өзара қарым-қатынас пен сындарлы ынтымақтастықты орнату мен нығайтуға ықпал етуге;

      2) басқа мемлекеттік қызметшілер тарапынан қызметтік әдеп нормаларын бұзудың жолын кесуге не оған жол бермеу жөнінде өзге де шараларды қабылдауға;

      3) ұжымда әріптестерінің ар-намысы мен қадір-қасиетіне нұқсан келтіретін жеке және кәсіби қасиеттерін талқылаудан тартынуға;

      4) өзінің мінез-құлқымен бейтараптықтың, әділдіктің, риясыздықтың, жеке адамның ар-намысы мен қадір-қасиетіне құрметпен қараудың үлгісі болуға;

      5) қызметшілердің ар-намысы мен қадір-қасиетін кемсітушіліктің және оған қолсұғушылықтың кез келген нысандарын болдырмайтын қолайлы моральдық-психологиялық ахуал жасауға бағытталған шаралар қабылдауға;

      6) жалпыға бірдей қабылданған моральдық-әдептілік нормаларға үйлеспейтін әрекеттер жасауға мәжбүрлемеуге;

      7) әріптестеріне қатысты негізсіз айыптауларға, дөрекілік, қадір-қасиетін кемсіту, әдепсіздік және бейәдеп мінез-құлық фактілеріне жол бермеуге;

      8) әріптестеріне өзінің діни нанымдарын таңбауға, қол астындағы қызметшілерді қоғамдық және діни бірлестіктердің, басқа да коммерциялық емес ұйымдардың қызметіне қатысуға мәжбүрлемеуге тиіс.

      9. Мемлекеттік қызметшілер мемлекеттік саясат және қызметтік жұмыс мәселелері жөніндегі өз пікірін, егер ол мемлекеттік саясаттың негізгі бағыттарына сәйкес келмесе, жариялауға рұқсат етілмеген қызметтік ақпаратты ашатын болса және мемлекеттің лауазымды адамдарының, мемлекеттік басқару органдарының, басқа да мемлекеттік қызметшілердің атына әдепсіз сөздерді қамтитын болса, көпшілік алдында білдірмеуге тиіс.

Мемлекеттік орган қызметінің мәселелері бойынша көпшілік алдында сөйлеуді оның басшысы немесе мемлекеттік органның осыған уәкілеттік берілген лауазымды адамдары жүзеге асырады.

Мемлекеттік қызметшілер пікірталастарды мемлекеттік қызметтің беделіне нұқсан келтірместен, дұрыс нысанда жүргізуге тиіс.

      10. Мемлекеттік қызметшілер қызметтен тыс уақытта жалпыға бірдей қабылданған моральдық-әдептілік нормаларын ұстануға, кішіпейілділік танытуға, тиісті көрсетілетін қызметтерді алу кезінде өзінің лауазымдық жағдайын баса көрсетпеуге және пайдаланбауға және қоғамдық имандылыққа қолсұғумен ұштасқан қоғамға қарсы мінез-құлық жағдайларына жол бермеуге тиіс.

 4-тарау. Қызметтік әдепті бұзудың профилактикасы бойынша үйлестіру

      11. Мемлекеттік қызмет істері жөніндегі уәкілетті орган заңнамаға сәйкес қызметтік әдепті бұзудың профилактикасы бойынша үйлестіруді жүзеге асырады.

 5-тарау. Қызметтік әдепті бұзғаны үшін жауаптылық

      12. Мемлекеттік қызметшілердің қызметтік әдеп стандарттарын бұзуы тәртіптік жауаптылыққа әкеп соғады.

 Әдеп жөніндегі уәкіл туралы
ЕРЕЖЕ
1. Жалпы ережелер

      1. Әдеп жөніндегі уәкіл – қызметтік әдеп нормаларының сақталуын және мемлекеттік қызмет, сыбайлас жемқорлыққа қарсы іс-қимыл туралы заңнама мен Қазақстан Республикасы мемлекеттік қызметшілерінің әдеп кодексін (бұдан әрі – Әдеп кодексі) бұзушылықтардың профилактикасын қамтамасыз ету қызметін жүзеге асыратын, сондай-ақ өз функциялары шегінде мемлекеттік қызметшілер мен азаматтарға консультация беретін мемлекеттік қызметші.

      2. Әдеп жөніндегі уәкіл өз қызметінде “Қазақстан Республикасының мемлекеттік қызметі туралы” 2015 жылғы 23 қарашадағы, “Сыбайлас жемқорлыққа қарсы іс-қимыл туралы” 2015 жылғы 18 қарашадағы Қазақстан Республикасының заңдарын, Әдеп кодексін, осы Ережені, сондай-ақ Қазақстан Республикасының өзге де заңнамалық актілерін басшылыққа алады.

      Әдеп жөніндегі уәкілдің дербес лауазымы аумақтық бөлімшелері немесе ведомстволарының аумақтық бөлімшелері, шет елдегі мекемелері бар орталық мемлекеттік органдарда (құқық қорғау және арнаулы мемлекеттік органдарды, сондай-ақ Қазақстан Республикасының Қорғаныс министрлігін қоспағанда), сондай-ақ облыстар, республикалық маңызы бар қалалар және Астана әкімдерінің аппараттарында енгізіледі.

      Аумақтық бөлімшелері немесе ведомстволарының аумақтық бөлімшелері жоқ мемлекеттік органдарда (құқық қорғау және арнаулы мемлекеттік органдарды, сондай-ақ Қазақстан Республикасының Қорғаныс министрлігін қоспағанда), орталық мемлекеттік органдардың ведомстволарында және аумақтық бөлімшелерінде, орталық мемлекеттік органдар ведомстволарының аумақтық бөлімшелерінде, шет елдегі мекемелерде, тексеру комиссияларында, облыстық маңызы бар қалалар, аудандар, қалалардағы аудандар әкімдерінің аппараттарында әдеп жөніндегі уәкілдің функциялары осы мемлекеттік органдардың қызметшілеріне жүктеледі.

      Әдеп жөніндегі уәкілдің функциялары басшылық қызмет атқаратын, сондай-ақ ұжымда қадірлі және құрметке ие болған мемлекеттік қызметшіге жүктеледі.

Ескерту. 2-тармақ жаңа редакцияда – ҚР Президентінің 01.06.2017 № 487 Жарлығымен (алғашқы ресми жарияланған күнінен бастап қолданысқа енгізіледі).
      3. Әдеп жөніндегі уәкілдің дербес лауазымын атқаратын адам осы мемлекеттік органдардың құрылымына кіретін ведомстволардың және аумақтық бөлімшелердің, шет елдегі мекемелердің, аудан деңгейіндегі жергілікті атқарушы органдардың әдеп жөніндегі уәкілдеріне әдіснамалық басшылық жасауды үйлестіреді және жүзеге асырады әрі орталық атқарушы органның жауапты хатшысына бағынады, ал жауапты хатшы немесе көрсетілген лауазымды адамдар болмаған жағдайда – мемлекеттік органның аппарат басшысына не қызметке тағайындауға және қызметтен босатуға құқығы бар адамға бағынады.

Ескерту. 3-тармақ жаңа редакцияда – ҚР Президентінің 01.06.2017 № 487 Жарлығымен (алғашқы ресми жарияланған күнінен бастап қолданысқа енгізіледі).
 2. Әдеп жөніндегі уәкілдің негізгі функциялары

      4. Әдеп жөніндегі уәкіл өз құзыреті шегінде мынадай функцияларды жүзеге асырады:

1) мемлекеттік қызметшілерге Қазақстан Республикасының мемлекеттік қызмет, сыбайлас жемқорлыққа қарсы іс-қимыл саласындағы заңнамасының және Әдеп кодексінің талаптарын сақтау мәселелері бойынша консультациялық көмек көрсетеді;

2) мемлекеттік қызметшілердің заңдарда белгіленген шектеулер мен тыйымдарды сақтауына ықпал етеді;

3) өзі жұмыс істейтін мемлекеттік орган басшылығының тапсырмасы бойынша мемлекеттік қызметшілердің қызметтік әдеп нормаларын бұзу фактілері бойынша жеке және заңды тұлғалардың өтініштерін қарайды;

4) ұжымда жалпы қабылданған моральдық-әдептілік нормаларына сәйкес келетін өзара қатынастар мәдениетін қалыптастыруға жәрдемдеседі;

5) мемлекеттік қызметшілердің құқықтары мен заңды мүдделері бұзылған жағдайларда, оларды қорғауға және қалпына келтіруге бағытталған шараларды қабылдайды;

6) мемлекеттік қызметшілердің қызметтік әдеп нормаларын сақтауын мониторингтеуді және бақылауды жүзеге асырады;

7) мемлекеттік органдардың құрылымдық бөлімшелері басшыларының қызметтік әдеп нормаларын бұзу деректері бойынша тиісті шараларды қабылдамау жағдайлары туралы мемлекеттік органның басшылығына хабарлайды;

8) мемлекеттік қызметшілер Қазақстан Республикасының мемлекеттік қызмет, сыбайлас жемқорлыққа қарсы іс-қимыл саласындағы заңнамасын және Әдеп кодексін бұзған жағдайларда, құқық бұзушылықтарды жасауға ықпал ететін себептер мен шарттарды талдайды және мемлекеттік органның басшылығына оларды жою туралы ұсынымдар енгізеді;

9) Қазақстан Республикасының мемлекеттік қызмет, сыбайлас жемқорлыққа қарсы іс-қимыл саласындағы заңнамасын және Әдеп кодексін бұзу профилактикасы және оған жол бермеу, сондай-ақ мемлекеттік қызметтің оң бейнесін қалыптастыру мақсатында азаматтық қоғам институттарымен және мемлекеттік органдармен өзара іс-қимыл жасайды;

10) Қазақстан Республикасының мемлекеттік қызмет, сыбайлас жемқорлыққа қарсы іс-қимыл саласындағы заңнамасын және Әдеп кодексін сақтау мәселелері бойынша мемлекеттік қызметшілермен түсіндіру жұмыстарын тұрақты негізде жүргізеді;

11) заңнамада белгіленген тәртіппен тиісті лауазымды адамдарға қызметтік әдеп нормаларын бұзуға жол берген мемлекеттік қызметшілердің жауапкершілігін қарау туралы ұсыныммен жүгінеді;

12) қызметтік әдеп нормаларын бұзудың профилактикасы мақсатында өзге де қызметті ұйымдастырады.

      5. Әдеп жөніндегі уәкіл өзіне жүктелген міндеттерді орындау үшін:

1) Қазақстан Республикасының мемлекеттік қызмет, сыбайлас жемқорлыққа қарсы іс-қимыл саласындағы заңнамасын және Әдеп кодексін бұзуға ықпал ететін себептер мен жағдайларды талдауға қажетті мәліметтер мен құжаттарды сұратады және алады;

2) өзі жұмыс істейтін мемлекеттік органның атынан Қазақстан Республикасының мемлекеттік қызмет, сыбайлас жемқорлыққа қарсы іс-қимыл саласындағы заңнамасының, сондай-ақ Әдеп кодексінің нормаларын түсіндіру үшін тиісті уәкілетті органдарға заңнамада белгіленген тәртіппен жүгінеді;

3) мемлекеттік органның басшысына мемлекеттік органның оң имиджін және ұжымда жағымды ахуал қалыптастыруға елеулі үлес қосқан адамдарды көтермелеу туралы ұсыным енгізеді;

4) қажет болған жағдайда өзінің құзыретіне қатысты мәселелерді қарау кезінде кадр қызметінен мемлекеттік қызмет өткеру мәселелеріне қатысты мемлекеттік қызметшілердің жеке істерін, өзге де материалдар мен құжаттарды сұратуға және алуға құқылы.

Ескерту. 5-тармаққа өзгеріс енгізілді – ҚР Президентінің 22.07.2019 № 74 Жарлығымен.
      6. Негізсіз бас тартылғанда, мемлекеттік органның басшысы тиісті шаралар қолданбағанда не ол әдеп жөніндегі уәкілге жүктелген функцияларды орындауға кедергі келтіретін әрекеттерді (әрекетсіздіктерді) жасағанда, әдеп жөніндегі уәкіл бұл туралы мемлекеттік қызметі істері уәкілетті органға (бұдан әрі – уәкілетті орган) не оның аумақтық бөлімшесіне хабарлайды.

Уәкілетті орган не оның аумақтық бөлімшесі мұндай хабарлама келіп түскен кезде Қазақстан Республикасының мемлекеттік қызмет саласындағы заңнамасында белгіленген тиісті шараларды қолданады.

Ескерту. 6-тармаққа өзгеріс енгізілді – ҚР Президентінің 22.07.2019 № 74 Жарлығымен.
 3. Әдеп жөніндегі уәкілдің қызметін ұйымдастыру

      7. Мемлекеттік орган басшыларының бейтараптығы негізді күмән тудыратын, лауазымдық өкілеттіктерін тиісінше орындамауға әкеп соғатын мән-жайлар (мүдделер қақтығысы) болған кезде әдеп жөніндегі уәкіл өз қызметін дербес негізде жүзеге асырады.

      8. Әдеп жөніндегі уәкіл өз қызметінің нәтижесі бойынша уәкілетті органға есеп береді. Есеп беру нысанын және мерзімдерін уәкілетті орган бекітеді.

      9. Әдеп жөніндегі уәкіл өзінің функцияларына жататын мәселелер бойынша мемлекеттік қызметшілерді және басқа да азаматтарды олардың өтініші бойынша немесе баршаға көрінетіндей жерде орналастырылған кестеге сәйкес айына кемінде бір рет қабылдауды жүзеге асырады.

Қажет болған жағдайда, азаматпен немесе мемлекеттік қызметшімен әңгімелесу телефон арқылы не тиісті ақпарат беруді қамтамасыз ететін басқа да коммуникациялар құралдарын пайдаланумен жүргізілуі мүмкін.

Әдеп жөніндегі уәкіл туралы мәліметтер, оның ішінде тегі, аты-жөні, фотосуреті, кабинет және телефон нөмірлері заңнамада белгіленген тәртіппен мемлекеттік органның интернет-ресурсында және мемлекеттік органның ғимаратында баршаға көрінетіндей жерде орналастырылады.

      10. Қызметтік әдеп нормаларының сақталуын, сондай-ақ ұжымдағы моральдық-психологиялық ахуалдың жай-күйін мониторингтеу мақсатында әдеп жөніндегі уәкіл кемінде жарты жылда бір рет уәкілетті орган бекіткен нысан бойынша анонимді сауалнама жүргізіледі.

 Қазақстан Республикасы Президентінің күші
жойылған кейбір жарлықтарының
ТІЗБЕСІ

       1. “Қазақстан Республикасы мемлекеттік қызметшiлерiнiң ар-намыс кодексі туралы” Қазақстан Республикасы Президентінің 2005 жылғы 3 мамырдағы № 1567 Жарлығы (Қазақстан Республикасының ПҮАЖ-ы, 2005 ж., № 19, 225-құжат).

       2. “Қазақстан Республикасы Президентінің жарлықтарына өзгерістер енгізу туралы” Қазақстан Республикасы Президентінің 2007 жылғы 27 қарашадағы № 446 Жарлығы (Қазақстан Республикасының ПҮАЖ-ы, 2007 ж., № 43, 499-құжат).

       3. “Қазақстан Республикасы Президентінің 2005 жылғы 3 мамырдағы № 1567 Жарлығына өзгеріс енгізу туралы” Қазақстан Республикасы Президентінің 2011 жылғы 1 сәуірдегі № 1180 Жарлығы (Қазақстан Республикасының ПҮАЖ-ы, 2011 ж., № 30, 365-құжат).

       4. “Қазақстан Республикасы мемлекеттік қызметшілерінің ар-намыс кодексі туралы” Қазақстан Республикасы Президентінің 2005 жылғы 3 мамырдағы № 1567 Жарлығына өзгерістер енгізу туралы” Қазақстан Республикасы Президентінің 2013 жылғы 1 қазандағы № 651 Жарлығы (Қазақстан Республикасының ПҮАЖ-ы, 2013 ж., № 58, 786-құжат).

2022 жылдың 18 наурызы күнi Ақмола облысының Әдебиет және өнер музейiнде әз-Наурыз мерекесi қарсаңында, Көкшетау қаласыдағы ЖОО мен арнаулы орта бiлiм беретiн оқу орындары студенттерi арасында “Наурыз нақыштары” атты жас суретшiлер байқауының қорытындысы болып өттi.

Байқаудың мақсаты ұлыстың ұлы күнi әз-Наурыз мерекесiн лайықты деңгейде атап өту; ұлттық нақышта бедерленген көркемсурет туындылары арқылы көпшiлiктiң ұлттық рухын ояту, қазақ халқының мәдениетi турасында мол мағлұматтар меңгерту; суретшi жастардың арасында байқау ұйымдастыра отырып, жас буынның шығармашылыққа деген қызығушылығын арттыру; туындыларын көпшiлiк назарына ұсынып, қылқалам шеберлерiне қанат бiтiру, өнердiң өрелi жолына нық сенiммен қадам басуға шақыру болып табылды.

Байқауға Ш.Уәлиханов атындағы КМУ-дiң «Бейнелеу өнерi, сызу және дизайн» кафедрасы, А.Мырзахметов атындағы Көкшетау университетi, Ақан серi атындағы жоғары  мәденет колледжiнің суретшi студенттерi жұмыстарын ұсынды.

Жас суретшiлердiң жұмысына Ақмола облыстық суретшiлер одағының төрағасы Юрий Попов пен суретшi Ақмарал Сәрсенбаева, музей директоры Нұрбек Нұралы  төрелiк жасады.

Қазылар алқасының шешiмi бойынша жүлделi орындарды колледжіміздің студенттері иеленді. ІІІ орын Ғалымжан Айшолпан (2-КД) мен Әлия Сейтқалиеваға (3-КД) бұйырды.  ІІ орынды Жексенбай Қасиет (3-ИД) иеленсе, I орынды Абай Ажар (4-КД) еншіледі.

Iс-шара барасында әуелетiп ән орындалып, қазылар алқасы сайысқа қатысушы жас суретшiлерге шығармашылық табыс тіледі. Байқауға жұмыстарын ұсынған студенттеріміз алғыс хаттармен марапатталып, бағалы сыйлықтар табыс етiлдi.

Колледж тарихы – бұл үлкен ұйымшыл ұжымның шығармашылық өмірбаяны.  Педагогикалық ұжым оқу-тәрбие үдерісін жетілдіру, мамандарды даярлау сапасы, инновациялық педагогикалық технологияларды енгізу, «Жас маман» жобасына қатысу бойынша белсенді жұмыс істейді.

Ұрпақтан-ұрпаққа эстафета ретінде беріліп келе жатқан құндылықтар, идеялар бар. Бұл идеяларды жүзеге асырудың формалары мен әдістері өзгеруі мүмкін, бірақ ұлы педагог Алтынсариннің кәсіби шеберлігі, жас ұрпақтың ұлттық-мәдени құндылықтарын нығайту идеялары колледж ұжымының айнымас ақиқаты болып қала береді.

8 наурыз Халықаралық мейрамының көктемгі күндерінде колледждің алтын қоры болып табылатын педагогтарға үлкен әріппен жазылған ерекше құрмет, алғыс сөздерін айтқым келеді. Олар барлық идеяларға шабыт беруші және бастамашысы – колледж директоры Құралай Ғазизқызы Идрисова, музыкалық пәндер оқытушысы Вера Васильевна Никитенко, хореографиялық пәндер оқытушысы, балетмейстер Гүлмира Мерғалиқызы Ордабаева, актерлік шеберлік оқытушысы Маржан Арыстанбекқызы Букешова, дизайн пәндері оқытушысы Маржангүл Ақыжанқызы Тукеева мен  Кулжазира Хавдразах, музыка оқытушысы Лариса Петровна Иванова, режиссура оқытушысы Галина Леонидовна Кочетова, дизайн пәндері  оқытушысы Қымбат Мұқанқызы Кусаинова, сахна тілі оқытушысы Айтжан Настайқызы Настаева, қобыз сыныбы оқытушысы Нұргүл Байтілеуқызы Нұрмышева, музыкалық пәндер оқытушылары Патима Абибуллақызы  Омарова және Назира Мажитқызы Фахрутдинова, ағылшын тілі оқытушысы Светлана Васильевна Волевач, дауыс қою бойынша оқытушы Наталья Антоновна Цой, қазақ тілі оқытушысы Айша Сәлімқызы Жанұзакова, орыс тілі оқытушысы Күлай Сералықызы Ақбатаева, кітапханалық пәндер  оқытушысы Хамида Камалиденқызы Қазиева және басқалары. Сондай-ақ, пәндік-циклдік комиссиялардың жетекшілері – Галина Алексеевна Рыбакова, Ирина Викторовна Зайцева, Ұлболсын Сағындыққызы Мамбетова,  директордың орынбасарлары Гүлнар Әнуарбекқызы Қадралиева, Райхан Балтабекқызы Баткульдина, Ақмарал Ермекқызы Ақтаева, Жанна Жұмабайқызы Молдабаева, оқу бөлімінің меңгерушісі Алмагүл Қанатқызы Қажымұратова жоғары кәсібилікпен ерекшеленеді. Колледждің жас педагогтары өсіп келеді – Екатерина Андреевна Грядунова, Мадина Исасеитқызы Бексеит, Айгерім Жасқайратқызы Сагиденова, Елена Михайловна Журба, Анна Владимировна Ефименко, Зайра Серікқызы Мухаева.

Кәсіби тәжірибенің, шығармашылық әлеуеттің, рухани жастықтың үйлесімі оларға алға сенімді қарауға, жоспар құруға, жаңа мақсаттар қоюға және оларға қол жеткізуге мүмкіндік береді.

Осы мереке күндері колледждің барлық педагогтарына денсаулық, шығармашылық шабыт, жан тыныштығы мен көктемгі көңіл-күй тілейміз!

2022 жылғы  24 ақпанда Ақан сері атындағы жоғары мәдениет колледжінің концерт залында  « Өнер – менің болашағым!» ұранымен кәсіби бағдар конференциясы өтті.

Конференцияға Көкшетау қаласы мектептерінің 9 сынып оқушылары мен оқытушылары қатысты: «Ақмола облысы білім басқармасының Көкшетау қаласы бойынша білім бөлімі Көкшетау қаласының №2 мектеп-лицейі» КММ, «Ақмола облысы білім басқармасының Көкшетау қаласы бойынша білім бөлімі Көкшетау қаласының №11 мектеп – гимназиясы» КММ, «Ақмола облысы білім басқармасының Көкшетау қаласы бойынша білім бөлімі Көкшетау қаласының №13 «Экос» мектеп – гимназиясы» КММ.

Конференция барысында  мектеп оқушылары колледж қызметі және оқуға түсудің артықшылықтары туралы жан-жақты  білді. Мектеп оқушылары үшін колледждің шығармашылық ұжымдарының қатысуымен концерт ұйымдастырылды.

«Мектеп басшыларына кәсіби бағдар жұмысын қолдағандары және ынтымақтастық үшін шынайы алғысымызды білдіреміз. Табыс пен өркендеу тілейміз!

Ақмола облысы білім басқармасының жанындағы «Көкшетау қаласы, Ақан сері атындағы жоғары  мәдениет колледжі»  МКҚК-ң  көпшіліктің талқылауы үшін 2021 ж. мемлекеттік қызмет көрсету саласындағы қызметі туралы есебі.

Мемлекеттік қызмет көрсету реестріне сәйкес Ақмола облысы білім басқармасының  жанындағы «Көкшетау қаласы, Ақан сері атындағы  жоғары мәдениет колледжі» МКҚК 8 мемлекеттік қызмет көрсетеді.

2021 ж. қорытынды бойынша көрсетілген мемлекеттік қызметтер саны 468, соның ішінде:

– қағаз нысанында –  209

– Мемлекеттік корпорация арқылы –  13

–  e-gov арқылы – 10

– ақпараттық жүйелер арқылы – 236

– бас тартылды – 0.

1. Техникалық және кәсіптік білім беру ұйымдарындағы білім алушыларға жатақхана беру -170
2. Техникалық және кәсiптік бiлiм туралы құжаттардың телнұсқаларын беру – 16
3. Техникалық және кәсіптік, орта білімнен кейінгі білім беру ұйымдарына құжаттар қабылдау-160
4. Техникалық және кәсіптік, орта білімнен кейінгі білім алуды аяқтамаған адамдарға анықтама беру-3
5. Техникалық және кәсіптік, орта білімнен кейінгі білімнің білім беру бағдарламаларын іске асыратын білім беру ұйымдарындағы білім алушыларды ауыстыру және қайта қабылдау-1
6. Мектепке дейінгі тәрбие мен оқыту, бастауыш, негізгі орта, жалпы орта, техникалық және кәсіптік, орта білімнен кейінгі білім беру бағдарламаларын іске асыратын білім беру ұйымдарының педагог қызметкерлері мен оларға теңестірілген тұлғаларға біліктілік санаттарын беру (растау) үшін оларды аттестаттаудан өткізуге құжаттарды қабылдау-10
7. Техникалық және кәсіптік, орта білімнен кейінгі және жоғары білім беру ұйымдарындағы тәрбиеленушілер мен білім алушылардың жекелеген санаттағы азаматтарына, сондай-ақ, қорғаншылық (қамқоршылықтағы) пен патронаттағы тұлғаларына тегін тамақтандыруды ұсыну-104
8. Білім беру ұйымдарында білім алушыларға академиялық демалыс беру-4

Тұрғындарды ақпараттандыру мақсатында колледж сайтының «Мемлекеттік қызмет көрсету» бөлімінде білім беру саласында мемлекеттік қызмет көрсету стандарттары, мемлекеттік қызмет көрсету регламентін бекіту туралы қабылданған бұйрықтар және берілген қызметтерді көрсету туралы нұсқаулық орналастырылған.

Сонымен қатар, Мемлекеттік қызмет көрсету мәселелері бойынша қолжетімділік және тұрғындарды ақпараттандыру  мақсаттарында ұйымда көрнекі ақпарат стенді (стандарттар, өтініш үлгілері және т.б.) орналастырылған . Мемлекеттік органның ресми Интернет-ресурсында стандарттар, регламенттер, шағым беру тәртібі, байланыс ақпарат орналастырылған «мемлекеттік қызмет көрсету» бөлімі жұмыс істейді.

Көкшетау қалалық әкімдігіне ай сайын  8 мемлекеттік қызмет көрсетуді ұсыну бойынша ішкі мониторинг жұмысы жөнінде есеп ұсынылады. Мемлекеттік қызмет көрсетуді ұсыну мерзімдері  бұзылған жоқ.

Колледжде мемлекеттік қызмет көрсету үрдісінің, сапасы мен қолжетімділігінің күнделікті мониторингі жүргізіледі. Мемлекеттік қызмет көрсету бойынша шағым түскен жоқ.

Электрондық мемлекеттік қызмет көрсету тәртібі жөнінде толық ақпарат колледж фойесі мен халыққа қызмет көрсету оталығындағы стендтерде,  сонымен қатар колледждің интернет-ресурсының мемлекеттік қызмет көрсету бөлімінде орналастырылған.

Қызмет көрсету мәселелері бойынша мына нөмірге хабарласыңыз: 8716-2-32-91-86, Көкшетау қаласы, Жамбыл Жабаев көшесі, 140.