Архив: Author: admin

Жаңа оқу жылының басталуы –  ең жарқын, қызықты және есте қаларлық мереке. Ақан сері атындағы жоғары мәдениет колледжінде күздің бірінші күні – Білім күнін мерекелеудің игі дәстүрі бұрыннан қалыптасқан. Биылғы жылы колледждің есігі 114 бірінші курс студенттеріне ашылды. 2-4 курс студенттері де назардан тыс қалған жоқ.

Қазіргі эпидемиологиялық жағдайға байланысты алғашқы дәстүрлі жиын болған жоқ. Барлық санитарлық нормаларды сақтай отырып, «Тәуелсіздік жетістіктері» тақырыбына кураторлық сағаттар өткізілді. Кураторлық сағаттар барысында Қазақстан Республикасының Тәуелсіздігі, Конституция, Тәуелсіздік жылдарындағы жетістіктер тақырыптары ашылды.

Барлық студенттерді жаңа оқу жылының басталуымен құттықтаймыз! Үлкен жеңістер, шығармашылық құлшыныс және оқуда табыс тілейміз.

2021 жылғы 18 тамызда Ақмола облысы педагогтарының облыстық тамыз конференциясы шеңберінде колледж басшының оқу және оқу-өндірістік жұмысы жөніндегі орынбасарларының секциялық отырысы болып  өтті. Отырыс барысында Ақан сері атындағы жоғары мәдениет колледжі директорының оқу – ісі жөніндегі орынбасары              Райхан Балтабекқызы  Баткульдина «Балдық-рейтингтік әріптік жүйесін енгізу» тақырыбында өз тәжірибесімен бөлісті. Бақылаудың барлық түрлеріндегі білім алушылардың білім жетістіктері тікелей пропорционалды қатынасқа ие балдық-рейтингтік әріптік жүйесінің бағалауымен анықталатыны туралы айтып, ағымдағы бақылау мен аралық аттестаттауды өткізген кездегі пайдаланған тапсырмаларға,бағалау парақтарына, пән бойынша құрастырылған білім алушылардың оқу жетістіктерінің нәтижелерін бағалау критерийлеріне тоқталып өтті. Әріптесімізге алдағы уақытта, шығармашылық табыстар мен үлкен жетістіктер тілейміз!

Онлайн-консультация на платформе  Zoom

Идентификатор конференции: 207 371 1706       .
Код доступа: 123456

https://us02web.zoom.us/j/2073711706?pwd=K0JkSjhMaEFaNXJFdEVvdExkckVHZz09

Ақмола облысының білім басқармасы жанындағы  «Көкшетау қаласы, Ақан сері атындағы жоғары мәдениет колледжі» МКҚК 2021 жылы материалдық-техникалық базаны жақсартуға мүмкіндік беретін республикалық «Жас маман» жобасына (операторы «Talap» КЕАҚ) қатысуға мақұлданды. Жобаға «Дизайн» мамандығының «Интерьер дизайны», «Киім дизайны» біліктіліктері бойынша қатысады.

Қазіргі уақытта жабдықты сатып алудың конкурстық процедуралары жүріп жатыр. Мемлекеттік сатып алу процедурасына сәйкес бұрғылау-қондыру станогы жеткізілді. Станокта жұмыс істеуді оқып үйренуді бірінші болып «Дизайн» мамандығының арнайы пәндерінің оқытушылары мен колледж қызметкерлері бастады. Бұл станок «Интерьерді функционалдық-кеңістіктік ұйымдастыру» кабинетіндегі жинақтаушы жабдық болып табылады.

Бұрғылау-қондыру станогы интерьер дизайны студенттеріне жиһаз құрылымдарының бөлшектеріндегі сапалы саңылауларды әр түрлі мақсатта нақты бұрғылауға мүмкіндік береді.

Сондай-ақ, колледждің материалдық-техникалық базасы үш интерактивті тақтамен және сенсорлық графикалық планшеттермен толықтырылды.

Сенсорлық графикалық планшет сурет салу, жазу және сызуды  табиғилыққа мүмкіндігінше жақындатады. Графикалық планшет арқылы студенттер бояулар мен гуашты алмастыратын, фотоколлаждарын жасайтын түрлі сурет салу техникаларына еліктей алады. Интерактивті панель қолданудың кең спектріне ие: презентациялар, бейнеконференциялар, көрмелік экспонаттар, құжаттар мен жобалар бойынша бірлескен жұмыс жүргізу. Сонымен қатар, ақпаратты енгізудің кез-келген құрылғысын пайдалануға болады, ол пернетақта, тінтуір немесе графикалық планшет болуы мүмкін.

Болашақта жоба шеңберінде колледжде келесі кабинеттер жұмыс істейтін болады:

– дизайн және тігін бұйымдарын сәндеу дағдыларын алуға және жетілдіруге арналған оқу кабинеті;

–  тігін машиналарында және сандық тігін автоматтарында жұмыс істеу дағдыларын алуға арналған оқу кабинеті;

– дипломдық және курстық жобалауға арналған оқу кабинеті;

– интерьерді функционалдық-кеңістіктік ұйымдастыруға арналған оқу кабинеті.

«Жас Маман» жобасын іске асыру нәтижесінде колледж республикалық және халықаралық деңгейде сұранысқа ие мамандарды даярлауға қажетті заманауи құрал-жабдықтармен жабдықталып, жарияланған мамандық бойынша өз аймағының құзыреттілік орталығына айналмақ, сонымен қатар WorldSkills чемпионатына қатысушыларды даярлайды.

Ақан сері атындағы жоғары мәдениет колледжі студенттерінің өмірі өте қызықты және алуан түрлі. Оқу орнында әр түрлі бағыттағы шығармашылық ұжымдар жұмыс істейді, онда әрбір студент өз қабілеттерін көрсете алады.

«AMIGOS» аспаптық ансамбліндегі сабақтар музыкалық сауаттылық және өнер туындыларымен жұмыс саласында терең білім алуға бағытталған.

Студенттер  гитараның әр түрінде ойнау дағдыларын дамытады: классикалық акустикалық гитара, бас-гитара, ритм-гитара, соло-гитара, сондай-ақ   соқпалы қондырғы, маракастар, тамбурин, шейкер, дарбука, кахон сияқты соқпалы және перкуссиялық аспаптарда орындауды үйренеді. Ансамбль жетекшісі – демалыстану пәндерінің оқытушысы Бронников Дмитрий Владимирович.

Эстрадада  «жанды» орындаушылыққа деген қызығушылықты ескере отырып, ансамбль мүшелері сахналық мінез-құлық нормалары мен ережелерін және бейнемен жұмыс жасауды үйренеді.

«AMIGOS» аспаптық ансамблі «Струнная капель-2019» гитара әндерінің республикалық фестиваль-конкурсының лауреаты болып табылады. 4 жыл ішінде ұжым колледжішілік, қалалық және облыстық маңызы бар 30-дан астам мәдени-көпшілік  іс-шараларға қатысып,  дипломант атанды

Эстрадалық-музыкалық орындаушылық саласында өзін көрсеткісі келетін креативті және шығармашыл жастар үшін ұжымның есігі әрдайым ашық!

Ақан сері атындағы жоғары мәдениет колледжінің  студеттері «Алау групп» балалар мен  жасөспірімдер өнер орталығы ұйымдастырған «Ұлы Жеңіске тағзым» атты онлайн-шығармашылық байқауына қатысты. Байқау қатысушылардың жас ерекшелігіне сай түрлі топ бойынша жасақталған. Колледждің «Дизайн»  мамандығының 2-курс студенттері  «Бейнелеу өнері» номинациясы бойынша қатысып, ортанғы топ қатысушылары арасында Сейткалиева Алия Бас жүлдені жеңіп алса, Мұхамед Жансая 1-орынға ие болды, ересектер тобы арасында Бас жүлдені  Оспанова Дина иеленді. Жеңімпаздарымызға осындай мүмкіндік берген  «АЛАУ групп» өнер орталығына алғысымызды білдіреміз!

СҮЙІНШІ ХАБАР!!! Ақан сері  атындағы жоғары мәдениет колледжінің үздік болуға лайық екенін айшықтайтын тағы  да бір жетістік! Т.Қ. Жүргенов атындағы Қазақ Ұлттық өнер академиясы мектеп-интернат, колледжінің  ұйымдастыруымен өткізілген Қазақстан Республикасы Елбасы Н.Назарбаевтың «Болашаққа бағдар: Рухани жаңғыру» бағдарламасы негізінде Қаз ССР Халық суретшісі, Қазақ бейнелеу өнерінің негізін қалаушысы Әбілхан Қастеевке арналған V Халықаралық өнер колледждері арасындағы жас суретшілердің  «ART – Самғау – 2021» қашықтық фестиваль-байқауының нәтижесі бойынша, колледж студенті  Гелманов Рахат қазылар алқасының арнайы жүлдесі номинациясына ие болса (жетекшісі Ибраев Ержан Амангелдіұлы), Қабен Нұрсұлтан «Туған өлке» картинасы үшін 3-орынға ие болып, Ильясова Аягөз дипломмен марапатталды (жетекшісі Мамбетова Ұлболсын Сағындыққызы). Ұйымдастырушылар колледжіміздің директоры Идрисова Құралай Ғазизқызына алғысын және ізгі тілектерін білдірді.

Толағай жетістіктеріміз көп болғай.

2021 ж. 27 мамырда Ақан сері атындағы жоғары мәдениет колледжінде «Студенттер қалашығындағы шоу-дефиле!» атты сән көрсетілімі өтті.

Көрсетілімде «Киім дизайны» біліктілігінің 4 курс білім алушыларының дипломдық жобалары ұсынылды.

«Art nouveau», «Modern», «Аvant-garde», «Сlassic» стильдеріндегі киім үлгілері көз жауын алып, көрерменнің жоғары бағасына ие болды.. Ұлттық колорит стиліндегі заманауи үлгілер көрсетілімі жарқын аксессуарлармен толықтырылған.

Кештің құрметті қонағы «Ақай» сән үйінің директоры Ғалия Серікқызы Алдабергенова  4-курс студенттері мен оқытушыларын құттықтап, болашақ мамандардың нәзік талғамы мен кәсібилігін атап өтті.

Көрсетілім барысында көрермендер «Киім дизайны» біліктілігі студенттерінің  кәсіби жұмыстарымен бірге «Ер тұран» триосы және «Аmigos» аспаптық ансамблі сияқты шығармашылық топтардың өнерін де тамашалай алды.

Ақан сері атындағы жоғары мәдениет колледжінің директоры Идрисова Құралай Ғазизқызы іс-шара ұйымдастырушыларына алғыс айтып, шығармашылық табыс тіледі.

2021ж.26 мамыр күні “Ақан сері ” атындағы жоғары мәдениет колледжінің  “Әлеуметтік -мәдени қызмет және халықтық көркем өнер шығармашылығы” мамандығының 1курс білім алушылары “Достық үйі” ұйымдастырған “Қоғамдық келісім”КММ Целиноград ауданының мемориалдық кешенінің қолдауымен “АЛЖИР” виртуалды экскурсиясына қатысты.Аталған іс-шара 31 мамыр “Саяси қуғын-сүргін құрбандарын еске алу” күніне арналды.Экскурсия барысында сол бір зұлмат жылдардан сыр шертетін тарихи жәдігерлермен танысты.Ақмола облысы поляктар қоғамының төрайымы Н.М.Нагачевскаямен кезлесу барысында  30-50 жж.оқиғаларлды есте сақтауға ,ауыр трагедияның қайталануына болдырмау үшін ұрпақтың бойында отансүйгіштік пен адамгершілік қасиетін қалыптастыруға ықпал етуін атап өтті.