Архив: Author: admin

2021 жылғы 22 ақпан және 12 наурыз күндері аралығында Ұлы ақын Жамбыл Жабаевтың 175 жылдық мерей тойы қарсаңында Алматы қаласының «Be Clever» Халықаралық дамыту орталығының ұйымдастыруымен «Қазақ ақыны – Жамбыл Жабаев» атты 1 Республикалық шығармашылық байқауы өткен болатын. Байқаудың негізгі мақсаты ақынның ұлы мұраларын өскелең ұрпаққа насихаттау, қатысушылардың шығармашылық және рухани белсенділіктерін арттыру. Қатысушылардың әр қайсысы өз міндеттерін жоғары деңгейде орындап шықты. Байқауда «Көркем сөз» жанры бойынша бақтары өзгелерден оза шауып 1 орынды Ақан сері атындағы жоғары мәдениет колледжінің «Драма театр әртісі» біліктілігінің 3 курс студенттері Қомар Нұрсұлтан, Сарсенбеков Ерсін, Талғатбек Мирас иеленді! Құттықтаймыз!

2021 жылғы 18 наурыз күні Ақмола тарихи-өлкетану мұражайында экскурсия өткізілді, оқушылар облысымыздың тарихымен және дәстүрлерімен танысты. Сондай-ақ, мұражайда «Қазақтың салт-дәстүрлері» тақырыбына дәріс ұйымдастырылды, оның модераторы-жобаларды жүзеге асыру және ҚХА құрылымы бойынша жұмыс бөлімінің маманы Бақытжан Айдосова.

Экскурсия және жоспарланған іс-шара өте жемісті және қызықты өтті!

2021 жылғы 23 ақпан күні “Достар” МС-ның ұйымдастыруымен жас таланттарды анықтау және олардың шығармашылықтарын дамыту, танымал болуларына ықпал ету және бәсекеге қабілетті етіп тәрбиелеу мақсатында “Көктем аруы – 2021” байқауы өткізілген болатын. Сол байқауда Ақан сері атындағы жоғары мәдениет колледжінің “Педагог-мәдени демалыс ұйымдастырушы, би ұжымының жетекшісі” біліктілігінің 3 курс студенті Сагнаева Дана “Бас жүлдені” иеленді! Шын жүректен құттықтаймыз!

Қазақстан Республикасы Тәуелсіздігінің 30 жылдығына орай, Көкшетау қаласы жастарының шығармашылық әлеуеттіліктерін анықтау мен дамыту, Қазақстан Республикасының жастар саясаты туралы заңын іске асыруда жағдайлар жасау, бос уақытты дұрыс ұйымдастыру мен мәдени этникалық құндылықтарды тәрбиелеу мақсаттарында Достар МҮ-мен «Үздік жүргізуші – 2021» онлайн байқауы өткізілген болатын. Сол байқауда үздіктер қатарынан табылып, беделді 3-орынға ие болған Ақан сері атындағы жоғары мәдениет колледжінің, «Драма театр әртісі» мамандығының 3 курс студенті Қомар Нұрсұлтан!

2021 жылғы 4 наурызда Ақан сері атындағы жоғары мәдениет колледжінде Сыбайлас жемқорлыққа қарсы «Саналы ұрпақ» квестінің соңғы кезеңдері мен жабылуы өтті .

Бұл квестің мақсаты жас ұрпақты сыбайлас жемқорлыққа қарсы мәдениетке тәрбиелеу болып табылады.

Іс-шараға «Ақмола – Адалдық алаңы» жобалық кеңсесінің жетекшісі, облыс әкімінің штаттан тыс кеңесшісі Самира Тайтенова қатысты.

Ойын барысында бірінші курс студенттерінен 7 команда ұсынылды. Квест қатысушылары ынта-жігерімен ойынның 7 кезеңінен сәтті өтті. Нәтижесінде барлық командалар квестің әр кезеңінің тапсырмаларын лайықты орындады.

Финалда жеңімпаздарға грамоталар мен адалдық кубогы табысталды.

Алғыс айту күні – бұл, ең алдымен елімізде тыныштық пен үндестік, өзара сенімділік пен барлық қазақстандықтарға деген құрметтің орнығуына негіз болған бейбітшілік пен келісім саясатының салтанатты күні. «Педагог-мәдени демалыс ұйымдастырушы, көркемөнерпаз театр ұжымының режиссері» біліктілігінің 2 курс білім алушылары Алғыс айту күнімен құттықтайды.

2021 жылғы 01 наурызда «Ақан сері атындағы жоғары мәдениет колледжі» МКҚК Қамқоршылар кеңесінің жаңа құрамының алғашқы отырысы өтті.  Кеңеске білім басқармасының бас маманы А.С. Магавина, жеке кәсіпкер, колледждің әлеуметтік серіктесі Г. С. Алдабергенова, сондай-ақ ата-аналар қоғамының өкілдері қатысты.

Бірінші курстан Қамқоршылық кеңестің төрайымы болып Ольга Викторовна Якимено сайланды. Қамқоршылық кеңестің функцияларының бірі  – білім беру ұйымы басшысының есебін тыңдау, оның ішінде білім беру қызметтерін сапалы ұсыну болып табылады. Отырыс барысында колледж директоры Құралай Ғазизқызы Идрисова кеңес мүшелерінің алдында колледждің 2020 жылғы қызметі мен дамуы туралы есеп берді, сондай-ақ колледждің стратегиялық даму жоспарымен және 2021 жылға арналған міндеттермен таныстырды.

Отырыс қорытындысы бойынша қамқоршылық кеңестің 2021 жылға арналған міндеттері, құрылымы, жұмыс жоспары айқындалды.