Ақан сері атындағы жоғары мәдениет колледжі Көкшетау қаласы
2019 жылы 15 мамыр күні Көкшетау қаласы, Ақан сері атындағы жоғары мәдениет колледжінің ДТА, ИД және ТҰЖ топтарының 1 курс білім алушылары Ақмола облысының жалпы білім беретін мектептері мен колледж оқушылары арасында “Жас сарбаз” қоғамдық қозғалысы бағдарламасы бойынша облыстық әскери-спорттық жарыстарға қатысып, 3 орынға ие болды.
Ақан сері атындағы жоғары мәдениет колледжінде Ұлы Отан соғысындағы Жеңістің 74 жылдығына арналған концерт өтті. Іс-шараны сырттай оқу бөлімінің «Педагог-мәдени демалыс ұйымдастырушы, көпшілік театрландырылған қойылымдарының режиссері» біліктілігінің студенттері дайындады. Концертте соғыс уақытының және соғыстан кейінгі кезеңнің әндері шырқалды: С.Байтерековтың аңызға айналған «Әлиясы», соғыс туралы «Смуглянка», «Көк орамал» және т.б. әндерден попурри.
Концерт Д.Тухмановтың «Жеңіс күні» әнімен аяқталды, қатысушылар мен көрермендер залға Ұлы Отан соғысына қатысқан аталары мен әкелерінің портреттерін алып шықты.
ҰОС-ғы Жеңістің 74-жылдығына арналған Қалалық жеңіл атлетикалық эстафетада Көкшетау қаласы, Ақан сері атындағы жоғары мәдениет колледжінің қыздар командасы екінші жүлделі орынға ие болды. Біздің спортшыларды құттықтаймыз!
7 мамыр – Отан қорғаушылар күні қарсаңында жоғары мәдениет колледжінің білім алушылары Ұлы Отан соғысындағы Жеңістің 74 жылдығына арналған облыстық сап түзеу және әндер байқауына қатысты.
Құрамы 48 адамнан тұратын жарасымды костюмдегі жігіттер мен қыздар взводы және барабаншылар тобы «Тәуелсіздік» алаңында тамаша өнер көрсетті. Қыздар взводы 1 орынға ие болды.
Біздің студенттерімізді мақтан тұтамыз және шын жүректен құттықтаймыз!
«Кәсіпқор» холдингі» КЕАҚ Қазақстан колледждерінің қызметін бағалау және ТжКБ ұсынатын қызметтердің сапасын арттыру мақсатында қосымша уәждеме жасау үшін өткізілген саралау қорытындысы бойынша «Көкшетау қаласы, Ақан сері атындағы жоғары мәдениет колледжі» МКҚК Қазақстан Республикасының «Өнер және мәдениет» саласының колледждері арасында БІРІНШІ орынға ие болды.
«Кітапханашы» біліктілігінің 2-курс білім алушысы Сейітхан Аружан Жастар жылына орай ұйымдастырылған «Жастардың оты жалындап» атты қалалық ақындар мүшайрасына қатысып, «Сахна мәдениеті үшін» номинациясына ие болды.
Аружанды құттықтаймыз! Тек биіктерден көріне беруіне тілектеспіз!
«Көкшетау қаласы, Ақан сері атындағы жоғары мәдениет колледжі» МКҚК-ң тарих және география пәндерінің оқытушысы А.Қ.Кажмуратованың «Студенттер арасында сыбайлас жемқорлыққа қарсы көзқарасты қалыптастыру мәселесі» атты әдістемелік әзірлемесі техникалық және кәсіптік білім беру ұйымдарында озық педагогикалық тәжірибені облыстық оқу-әдістемелік кабинетімен тарату үшін ұсынылады.
Алмагүл Қанатқызын құттықтаймыз және одан әрі табыстар тілейміз!
«Көкшетау қаласы, Ақан сері атындағы жоғары мәдениет колледжі» МКҚК-да Мемлекеттік қызмет істері және сыбайлас жемқорлыққа қарсы іс-қимыл агенттігінің Ақмола облысы бойынша департаментінің бас маманы С.К.Беккажанованың қатысуымен Парасаттылық аптасы аясында «Сыбайлас жемқорлыққа қарсы мәдениетті қалыптастыру” тақырыбында дөңгелек үстел өтті. Іс-шара «Драма театрының артисі» біліктілігінің 4 курс білім алушыларымен дайындалған «Сыбайлас жемқорлыққа жол жоқ!» театрландырылған қойылымымен басталды.
Сыбайлас жемқорлыққа қарсы іс-қимылды насихаттау және қалыптастыру мақсатындағы дөңгелек үстел аясында сыбайлас жемқорлыққа қарсы тәрбиелеудің өзекті мәселелері қаралды, колледждегі “Саналы ұрпақ” клубының жұмысы туралы айтылды, тақырыптық бейнероликтер көрсетілді.
Іс-шара барысында білім алушылар өз пікірлерін айтып, сұрақтарға жауап беріп, аталған тақырыпты белсенді талқылады.
23 сәуірде “Көкшетау қаласы, Ақан сері атындағы жоғары мәдениет колледжі” МКҚК Ақмола облысы білім басқармасы жанындағы облыстық оқу-әдістемелік кабинеті ұйымдастырған облыстық іс-шара – жалпы білім беретін мектеп директорлары форумының қатысушыларын қарсы алды. Колледжге облыстың оқу орындарының 41 басшысы келді.
Қонақтарды колледж ауласынан студенттер ұлттық киімдермен қарсы алды, фойеде оркестр ойнады; оқу орнының кабинеттері мен залдары бойынша экскурсия жүргізілді. Колледж студенттері мен оқытушылары дайындаған концерт қонақтарға жағымды әсер қалдырды. Өз мектептерінде Ақан сері атындағы жоғары мәдениет колледжіне түсу бойынша кәсіптік бағдар беру жұмыстарын жүргізетіндіктерін айтты.
2018-2019 оқу жылының 27-ақпаны мен 7-наурызы аралығында Дизайн пәндерінің пәндік комиссия онкүндігі өтті. Онкүндіктің алғашқы күнінде «Дизайн» мамандығының білім алушыларының орындаған шығармашылық жұмыстарының көрмесі өтті. Жауапты оқытушылар: Мамбетова У.С., Сеитова Г.Б.
Колледж ішілік іріктеу кезеңінен өткен 3-ИД тобының білім алушысы Жусупбекова Мадина 27-28 ақпан күндері «Флористика» құзыреттілігі бойынша «WorldSkills – 2019» өңірлік чемпионатына қатысып, жақсы нәтиже көрсетті. Жетекшісі Құсайынова Қымбат Мұқанқызы.
28-ақпан күні Хавдыразах Күлжазира және 4-КД тобының білім алушыларының ұйымдастыруымен колледждің 1-курс білім алушылары арасында «Көктем шуағы» атты байқау өтті. Байқау барысында киім дизайны бойынша әртүрлі тапсырмалар берілді. Бұл байқауда 1-орынды 1-ПХ (р) тобы, 2-орынды 1-КД тобы, ал 3-орынды 1-ПХ (қ) тобы иеленді.
1-наурыз күні 3-КД тобында Арнайы сурет пәнінен «Адамның жартылай денесі» тақырыбында Сеитова Гүлбаршын Бегәліқызы ашық сабақ өткізді. Білім алушыларға адам денесін салу кезеңдері мен ерекшеліктері жайлы мұқият түсіндірілді.
Дизайн пәндерінің пәндік комиссия оқытушыларының ұйымдастыруымен 1-наурыз күні «Әдебиет және өнер» музейінде «Ұлы даланың жеті қыры» Елбасының бағдарламасы аясында жастар жылына арналған «Ұлы дала өрнектері» атты дефиле өткізілді. Дефиледе ұсынылған жұмыстардың авторлары «Дизайн» мамандығының түлектері Жампейісова Айжан, Болатова Айнаш, Зүлпиәр Камшат, Сосина Валерия, Серікпаева Асыл, жетекшісі Хавдыразах Күлжазира, Горлова Юлия, Хайролла Азамат, жетекшісі Тукеева Маржангүл Ахыжанқызы, Сүлеймен Нұрия, жетекшісі Мағзұмов Дужан Нұроллаұлы. Костюмдер үлкен шеберлікпен ұлттық нақышта және заманауи тақырыпта орындалған.
4-наурыз күні 2-ИД тобында Макеттеу сабағынан «Зачетное занятие. Обобщение практических работ» тақырыбында Тукеева Маржангүл Ақыжанқызы ашық сабақ өткізді. Топ білім алушылары өздері орындаған «Балалар бөлмесі» жобасын қорғады. Сабақ қорғау және пікір алмасу түрінде қызықты өтті.
Құсайынова Қымбат Мұқанқызы «Дизайн» мамандығының білім алушыларымен бірге «Мереке қарсаңындағы тосын сый» атты Халықаралық әйелдер күніне арналған құттықтауды колледж фойесінде ұйымдастырды
7-наурыз күні «Дизайн» мамандығының түлегі Сүлеймен Нұрия «Киім дизайны» біліктілігінің білім алушыларына киімге сурет салу және батик техникалары бойынша шеберлік классын өткізді. Шеберлік класс барысында Нұрияның оқу барысында жеткен жетістіктері жайлы айтылды.
