Архив: Author: admin

«Көкшетау қаласы, Ақан сері атындағы жоғары мәдениет колледжі» МКҚК-да Мемлекеттік қызмет істері және сыбайлас жемқорлыққа қарсы іс-қимыл агенттігінің Ақмола облысы бойынша департаментінің бас маманы С.К.Беккажанованың қатысуымен Парасаттылық аптасы аясында «Сыбайлас жемқорлыққа қарсы мәдениетті қалыптастыру” тақырыбында дөңгелек үстел өтті. Іс-шара «Драма театрының артисі» біліктілігінің 4 курс білім алушыларымен дайындалған «Сыбайлас жемқорлыққа жол жоқ!» театрландырылған қойылымымен басталды.

Сыбайлас жемқорлыққа қарсы іс-қимылды насихаттау және қалыптастыру мақсатындағы дөңгелек үстел аясында сыбайлас жемқорлыққа қарсы тәрбиелеудің өзекті мәселелері қаралды, колледждегі “Саналы ұрпақ” клубының жұмысы туралы айтылды, тақырыптық бейнероликтер көрсетілді.

Іс-шара барысында білім алушылар өз пікірлерін айтып, сұрақтарға жауап беріп, аталған тақырыпты белсенді талқылады.

23 сәуірде “Көкшетау қаласы, Ақан сері атындағы жоғары мәдениет колледжі” МКҚК Ақмола облысы білім басқармасы жанындағы облыстық оқу-әдістемелік кабинеті ұйымдастырған облыстық іс-шара – жалпы білім беретін мектеп директорлары форумының қатысушыларын қарсы алды. Колледжге облыстың оқу орындарының 41 басшысы келді.

Қонақтарды колледж ауласынан студенттер ұлттық киімдермен қарсы алды, фойеде оркестр ойнады; оқу орнының кабинеттері мен залдары бойынша экскурсия жүргізілді. Колледж студенттері мен оқытушылары дайындаған концерт қонақтарға жағымды әсер қалдырды. Өз мектептерінде Ақан сері атындағы жоғары мәдениет колледжіне түсу бойынша кәсіптік бағдар беру жұмыстарын жүргізетіндіктерін айтты.

2018-2019 оқу жылының 27-ақпаны мен 7-наурызы аралығында Дизайн пәндерінің пәндік комиссия онкүндігі өтті. Онкүндіктің алғашқы күнінде «Дизайн» мамандығының білім алушыларының орындаған шығармашылық жұмыстарының көрмесі өтті. Жауапты оқытушылар: Мамбетова У.С., Сеитова Г.Б.

Колледж ішілік іріктеу кезеңінен өткен 3-ИД тобының білім алушысы Жусупбекова Мадина 27-28 ақпан күндері «Флористика» құзыреттілігі бойынша «WorldSkills – 2019» өңірлік чемпионатына қатысып, жақсы нәтиже көрсетті. Жетекшісі Құсайынова Қымбат Мұқанқызы.

28-ақпан күні Хавдыразах Күлжазира және 4-КД тобының білім алушыларының ұйымдастыруымен колледждің 1-курс білім алушылары арасында «Көктем шуағы» атты байқау өтті. Байқау барысында киім дизайны бойынша әртүрлі тапсырмалар берілді. Бұл байқауда 1-орынды 1-ПХ (р) тобы, 2-орынды 1-КД тобы, ал 3-орынды 1-ПХ (қ) тобы иеленді.

1-наурыз күні 3-КД тобында Арнайы сурет пәнінен «Адамның жартылай денесі» тақырыбында Сеитова Гүлбаршын Бегәліқызы ашық сабақ өткізді. Білім алушыларға адам денесін салу кезеңдері мен ерекшеліктері жайлы мұқият түсіндірілді.

Дизайн пәндерінің пәндік комиссия оқытушыларының ұйымдастыруымен 1-наурыз күні «Әдебиет және өнер» музейінде «Ұлы даланың жеті қыры» Елбасының бағдарламасы аясында жастар жылына арналған «Ұлы дала өрнектері» атты дефиле өткізілді. Дефиледе ұсынылған жұмыстардың авторлары «Дизайн» мамандығының түлектері Жампейісова Айжан, Болатова Айнаш, Зүлпиәр Камшат, Сосина Валерия, Серікпаева Асыл, жетекшісі Хавдыразах Күлжазира, Горлова Юлия, Хайролла Азамат, жетекшісі Тукеева Маржангүл Ахыжанқызы, Сүлеймен Нұрия, жетекшісі Мағзұмов Дужан Нұроллаұлы. Костюмдер үлкен шеберлікпен ұлттық нақышта және заманауи тақырыпта орындалған.

4-наурыз күні 2-ИД тобында Макеттеу сабағынан «Зачетное занятие. Обобщение практических работ» тақырыбында Тукеева Маржангүл Ақыжанқызы ашық сабақ өткізді. Топ білім алушылары өздері орындаған «Балалар бөлмесі» жобасын қорғады. Сабақ қорғау және пікір алмасу түрінде қызықты өтті.

Құсайынова Қымбат Мұқанқызы «Дизайн» мамандығының білім алушыларымен бірге «Мереке қарсаңындағы тосын сый» атты Халықаралық әйелдер күніне арналған құттықтауды колледж фойесінде ұйымдастырды

7-наурыз күні «Дизайн» мамандығының түлегі Сүлеймен Нұрия «Киім дизайны» біліктілігінің білім алушыларына киімге сурет салу және батик техникалары бойынша шеберлік классын өткізді. Шеберлік класс барысында Нұрияның оқу барысында жеткен жетістіктері жайлы айтылды.

Ақан сері атындағы жоғары мәдениет колледжінің «Педагог-мәдени демалыс ұйымдастырушы, көркемөнерпаз театр ұжымының режиссері» мамандығының оқытушылары мен білім алушыларының бастамасымен құрылған «EL jastar» жастар экспериментальді театр-лабораториясы Ақтөбе қаласының 150 жылдығына арналған IV Халықаралық “BALAUSA” экспериментальді спектакльдер фестиваліне қатысты. 2019 жылы 16-21 сәуір аралығында Т.Ахтанов атындағы Ақтөбе облыстық драма театрында өткен фестивальге Қазақстан театрларымен қатар Армения, Өзбекстан, Қырғызстан, Татарстанның кәсіби театр ұжымдары қатысты. «EL jastar» театры көрермендер мен қазылар алқасына «Өзекті сахналық тілді іздегені үшін» номинациясы және Ақтөбе қаласы әкімінің арнайы сыйлығына ие болған А.Баймұхаметовтың “Армандар кемесі” спектаклін ұсынды. Бұл жас ұжым үшін жоғары баға, біз өз шеберліктерін кәсіби деңгейде көрсеткен білім алушыларымыз бен оқытушыларымызды мақтан тұтамыз!

Кәсіптік бағдар беру жұмысы аясында 18 сәуір күні Ақан сері атындағы жоғары мәдениет колледжінде «Ашық есік күні» өтті. Іс-шараға Көкшетау қаласының № 19, 2, 4, 11, 3, 6, 17, 14 мектептерінен 200-ден астам оқушы келді. Қонақтарды колледждің жоғарғы курс білім алушылары өздерінің мамандықтарының логотиптері бар бетперде киіп қарсы алып, колледжге экскурсия жүргізілді. Әр біліктілік өз бағытының ерекшелігін көрсетті: «Киім дизайны» мамандығы білім алушылары әзірлеген ұлттық костюмдер көрмесін, «Интерьер дизайны» – байқауларда жүлделі орындарға ие болған суреттер көрмесін дайындады, келген оқушылар жұмыстарға таңданыспен қарады. «Драма театры артистері», «Театр ұжымының режиссерлері» және «Көпшілік көріністер ұйымдастырушылары» дайындаған қойылымдарды тамашалаған оқушылар ерекше әсер алды. «Халық аспаптары оркестрінің жетекшілері» музыкалық аспаптарда орындау шеберлігін, «Педагог-хореографтар» би композицияларының элементтерін көрсетті. Колледждің мәжіліс залында оқытушылар мен білім алушылар дайындаған концерттік нөмірлер ұсынылды. Колледж директоры К. Г. Идрисова құттықтау сөз сөйлеп, колледж тарихы және сансыз жетістіктері туралы, директордың оқу-өндірістік жұмыс жөніндегі орынбасары Г. А. Кадралиева әр біліктілік пен жұмысқа орналасу ерекшеліктері туралы айтып берді.

Сонымен қатар, оқушылар әр біліктілік бойынша оқу ерекшеліктеріне тоқталып, ақпарат берген арнайы пән оқытушыларымен танысуға мүмкіндік алды. Оқушылардың пікірлері бойынша мәдениеттің болашағы бар деп айтуға болады: немқұрайлылық танытпайтын жігерлі жастар көп және олар үшін Ақан сері атындағы жоғары мәдениет колледжінің есігі әрдайым ашық

«Педагог-мәдени демалыс ұйымдастырушы, халық аспаптар оркестрінің (ансамблінің) жетекшісі» біліктілігінің 2-курс білім алушысы Әзімұлы Нұрсұлтан музыкалық пәндер оқытушысы Нәжіпжан Бахытжанның жетекшілігімен Солтүстік Қазақстан облысы Петропавл қаласында өткен “Күй тартыс-2019” республикалық конкурсында құрметті екінші орынды иеленді. Байқаудың мақсаты – жас музыканттардың шығармашылық әлеуетін жүзеге асыру және олардың рухани дамуы мен көркемдік өсуін қалыптастыру. Жоғары мәдениет колледжі білім алушысының орындаушылық шеберлігін, техникасын, көркемдік бейнесінің ашылуын, сахна мәдениетін қазылар алқасы жоғары бағалады. Жеңімпазды құттықтаймыз және одан әрі жоғары шығармашылық жетістіктер тілейміз!

Қарағанды қаласында 1 және 2 сәуір аралығында Қазақстан Республикасының Тұңғыш Президенті – Елбасы Қорының қолдауымен «Театр – Шығармашылық – Талант» ІІІ халықаралық балалар мен жасөспірімдер фестиваль-байқауында Көкшетау қаласы, Ақан сері атындағы жоғары мәдениет колледжінің «Педагог-мәдени демалыс ұйымдастырушы, театрландырылған көпшілік қойылымдарының режиссері» біліктілігінің 2-курс білім алушылары Г.А.Рыбакова мен Д.В.Бронниковтың жетекшілік етуімен «Спектакль» аталымы бойынша І дәрежелі лауреат атанып, 100 000 теңге көлемінде сертификатқа ие болды. Қазақстанның Нұр-Сұлтан, Атбасар, Жезқазған, Көкшетау, Екібастұз және Ресейдің Кемерово, Новосібір қалаларының кәсіби және әуесқой театр ұжымдарынан 200-ге жуық адам қатысты. А.С.Пушкиннің «Сказка о попе и о работнике его Балде» ертегісінің желісі бойынша қойылым көрсеткен білім алушылар көрерменнің ыстық ықыласына бөленіп, қазылар алқасының жоғары бағасына ие болды. Жетекшілері «Үздік музыкалық әрленген спектакль» аталымы бойынша дипломдармен марапатталды. Жеңімпаздар мен олардың жетекшілерін құттықтап, шығармашылық ізденістер мен толағай табыстар тілейміз!

2019 жылдың 29-31 наурыз күндері Нұр-Сұлтан қаласында «Рухани жаңғыру»  бағдарламасының аясында өткен «Струнная капель – 2019» Республикалық гитаралық әндер байқауында «Амигос» вокалды-аспаптық ансамблінің әншілері Кубашев Айдан (4 КҚҰ) мен Еділбай Дәурен (3 БП) лауреат атанды. Байқауға қатысқан біздің өнерпаздар  пуэрто-рикандық музыкант Луиса Фонсидің «Despacito» әнін  орындап, көрерменнің ыстық ықыласы мен қазылар алқасының жоғары бағасына ие болды. Сайыс соңында жеңімпаздар кубогы табысталып,  дипломмен  марапатталды. Сондай-ақ Нұр-Сұлтан қаласындағы Оқушылар Сарайының сахнасында өнер көрсету құрметіне ие болды. Жеңімпаздарды лайықты жеңісімен құттықтап, шығармашылық табыстар тілейміз!

2019 жылдың 19 наурызында Ақан сері атындағы жоғары мәдениет колледжінде Наурыз мерекесі тойланды. Алдымен колледж фойесінде салтанатты шараның ашылуы өтті. Колледж директоры Қ.Идрисова оқытушылар мен білім алушыларды мерекемен құттықтап, шашу шашты.

Бұл күні колледждің бірінші қабатында дизайнерлердің «Көктем келді» деген тақырыпта көрмесі ұсынылды. Наурыз мерекесіне байланысты студенттердің дайындаған әзіл-ысқақ көрінісі қойылды. Колледж білім алушылары кітапханада қазақтың салт-дәстүрлеріне байланысты викториналық сұрақтарға жауап беріп, жеңімпаздар арнайы сыйлықтармен марапатталды. Колледж ауласында қол күресі, 16 кг-дық кір тасын көтеру, асық, секіртпе, арқан тартысы сияқты қазақтың ұлттық спорттық ойындары ойналып, «Қара жорғамен» флешмоб биленді. Әр сабақтан кейінгі қоңырауда студенттер наурыз мерекесіне арналған дастарханнан тамақтанып, Наурыз көжеден дәм татты. Іс-шара сағат 12.00-де мәжіліс залында «Қош келдің, Наурыз!» деген тақырыптағы концерттік бағдарламамен жалғасын тапты.

14 наурызды «Көрісу күні». Амал деп те атайды. Бұл күні адамдар, жаңа жыл келіп жеткендей, жасыңа жас қосылғандай бір-біріне кезіккенде «Бір жасқа шығуыңмен!», «Жасың құтты болсын!»  деп бір-бірін құттықтап мәре-сәре болып жатады. Осы орайда Ақмола облысы білім басқармасының жанындағы «Көкшетау қаласы, Ақан сері атындағы жоғары мәдениет колледжі» «Рухани жаңғыру» бағдарламасы аясында бұл күнді ерекше атап өтті. Амал мерекесіне оқу орнының барлық білім алушылары мен оқытушылары белсене қатысты.