Ақан сері атындағы жоғары мәдениет колледжі Көкшетау қаласы
2021 жылдың 9 қарашасында Ақан сері атындағы жоғары мәдениет колледжінде «Флористика» құзыреттілігі бойынша «WorldSkills Kazakhstan-2021» VI республикалық кәсіби шеберлік чемпионатының 1 – ші байқау күні өтті.
Байқау жұмыстарының мазмұны екі тәуелсіз модульден тұрды.
Күннің бірінші жартысында 2 сағат ішінде қатысушылар А модулі «Күз» букеті» бойынша кәсіби дайындық деңгейін көрсетті.
Күннің екінші жартысында В модулі бойынша «Сауыттағы композиция» байқауы өтті. 2,5 сағат бөлінген тапсырманы орындау үшін жабық (қопсытылған) өсімдіктерді шыны дөңгелек құмыраларда қолдану қажет болды.
Қатысушылардың жұмыстары объективті аспектілер мен қазылардың пікірлері бойынша келесі критерийлер бойынша бағаланды:
– тазалық (сапалы жаңа материалды пайдалану);
– функционалдылық;
– берілген уақыт аралығында оңтайлы техниканы таңдау;
– құрастыру нүктесіндегі тұрақтылық (байламның беріктігі);
– физикалық тепе-теңдік;
– материал туралы қамқорлық;
– суға қол жеткізу;
– тіршілікке қабілеттілік (оңтайлы жағдайларда өмір сүру ұзақтығы);
– композиция;
– күрделілік деңгейі.
Байқауға қатысушылардың барлық шығармашылық жұмыстары жоғары кәсіби деңгейде өтті.
2021 жылдың 8 қарашасында Ақан сері атындағы жоғары мәдениет колледжінде «Флористика» құзыреттілігі бойынша «WorldSkills Kazakhstan-2021» VI республикалық кәсіби шеберлік чемпионатының ашылу салтанаты өтті.
Іс-шараның құрметті қонақтары: Ақмола облысы білім басқармасы басшысының орынбасары Дүйсенова Ботагөз Балапайқызы; «Talap» КЕАҚ WorldSkills қозғалысын дамыту басқармасының бас менеджері Атыргүл Алғатайқызы Есдаулетова қатысушыларға құттықтау сөз сөйледі.
Ашылу салтанатына Ақмола облысы білім басқармасы оқу-әдістемелік кабинеті ТжКББ бөлімінің жетекшісі Сәуле Сәлімжанқызы Сералина; «Флористика» құзіреттілігінің бас сарапшысы Назель Рахымбекқызы Акимбаева, бас сарапшының орынбасары Айгерім Сабыржанқызы Калишева, Шығыс Қазақстан облысы Бесқарағай колледжінің директоры Райым Жолдасбекұлы Нұрғалиев, Көкшетау қаласының Жоғары техникалық колледжінің директоры Еслямова Ақнұр Қабиденқызы қатысты.
Ақан сері атындағы жоғары мәдениет колледжінің мәжіліс залының сахнасына өңірлік чемпионаттардың жеңімпаз-конкурсанттары шақырылды, олар төрт конкурстық күн ішінде «Флористика» құзыреттілігінде өз дағдыларын көрсететін болады:
Ашылу салтанаты Ақан сері атындағы жоғары мәдениет колледжі студенттерінің концерттік бағдарламасымен аяқталды.
Барлық қатысушыларға сәттілік тілейміз!
2021 жылдың 8-12 қарашасы аралығында Көкшетау қ. Ақан сері атындағы жоғары мәдениет колледжінде «Флористика» қосымша құзыреттілігі бойынша WorldSkills Kazakhstan-2021 ұлттық кәсіби шеберлік чемпионаты өткізіледі.
Аталмыш жылдың 8 қарашасында сағат 12:00-де колледжінің мәжіліс залында ашылу салтанаты өтеді.
Барлық қатысушыларға сәттілік тілейміз!
VI Республиканский чемпионат профессионального мастерства «WorldSkills Kazakhstan-2021» по компетенции ФЛОРИСТИКА
2021 жылғы 8-12 қараша аралығында «Көкшетау қаласы, Ақан сері атындағы жоғары мәдениет колледжі» МКҚК базасында «Флористика» құзыреттілігі бойынша «WorldSkillsKazakhstan-2021» VI республикалық кәсіби шеберлік чемпионаты өткізіледі.
Осы құзыреттілікте медаль ұтып алу мүмкіндігі үшін Қарағанды техника-құрылыс колледжінің, Хромтау тау-техникалық колледжінің, Ә.Қастеев атындағы Шымкент өнер және дизайн колледжінің, Маңғыстау қаласы, «Каспий» педагогика және салалық технологиялар колледжінің, Алматы технологиялар және флористика колледжінің, Шығыс Қазақстан облысының Бесқарағай колледжінің, Көкшетау қаласы, Ақан сері атындағы жоғары мәдениет колледжінің талантты жастары жарысатын болады.
Байқауға қатысушылар флористикалық дизайнның негізгі бағыттары саласындағы білімі мен дағдыларын алты тәуелсіз модульді орындау барысында көрсете алады.
«Флористика» құзыреттілігі бойынша VI республикалық чемпионаттың ашылуы 2021 жылғы 8 қарашада сағат 12:00-де Ақан сері атындағы жоғары мәдениет колледжінің мәжіліс залында өтеді.
Чемпионат қатысушыларына сәттілік тілейміз!
Осындай ұранмен Ақан сері атындағы жоғары мәдениет колледжінің қабырғасында студенттер қатарына қабылдау кеші өтті.
Залда студенттік атмосфера, мерекелік көңіл-күй орнады!
Жоғары курс студенттерінің жарқын, мазмұнды қойылымдары бүкіл залға жағымды әсер қалдырды! Бірінші курс студенттері жауап ретінде өз шығармашылық қабілеттерін көрсетті.
Кештің шарықтау шегі бірінші курс студенттерінің ант беруі, студенттік билеттерді табыстау және колледж директоры Құралай Газизқызы Идрисова мен педагогтардың құттықтау сөздері болды!
Бірінші курс студенттерімізге барлық бастамаларына сәттілік тілейміз! Терең білім алып, жарқын болшаққа қадам басыңыздар!
Ақан сері атындағы жоғары мәдениет колледжінде «WorldSkills» – кәсіби шеберлік чемпионатына дайындық жұмыстарын жүргізу мақсатында «Сән технологиясы» құзыреттілігі бойынша «Киім дизайны» мамандығының 3,4 курс студенттері үшін Қарағанды қаласының жеңіл өнеркәсіп индустриясында үлкен тәжірибесі бар маман, киім конструкторы Битенова Шаттық Срашевнаның хас-шеберлігі өткізілуде.
«Республикалық әдістеме, өнер және білім орталығы» 2021 жылғы 1 қазан -31 қазан аралығында «Мен – новатор-ұстазбын» республикалық байқауын өткізді. Біздің колледжден «Үздік ашық сабақ» номинациясы бойынша 2 педагог қатысты. Байқау қорытындысы бойынша тарих пәнінің оқытушысы Алмагүл Қанатқызы Қажымұратова мен музыка пәнінің оқытушысы Құралай Ілиясқызы Алмаганбетова 1 дәрежелі Дипломмен марапатталды.
Әріптестерімізді құттықтаймыз және шығармашылық табыс тілейміз!
2021 жылдың 29 қазаны күні Көкшетау қаласындағы құрылыс-технологиялық колледжінде «Саналы ұрпақ» ерікті студенттік клубтарының слеті өтті. Слеттің мақсаты жастар арасында сыбайлас жемқорлыққа қарсы мәдениетті және парасаттылықты қалыптастыру болып табылады. Аталған іс-шараға Көкшетау қаласынан 11 студенттік клуб қатысты. Слет қорытындысы бойынша Ақан сері атындағы жоғары мәдениет колледжінің студенттері жүлделі 2 орынға ие болып, дипломдармен және бағалы сыйлықтармен марапатталды.
