Ақан сері атындағы жоғары мәдениет колледжі Көкшетау қаласы
Ақан сері атындағы жоғары мәдениет колледжінің жанынан құрылған «Еl jastar» театры 2020 жылғы 20 ақпанда Жанайдар Мусин атындағы жоғары педагогикалық колледжі сахнасында “Жастықтың оты қайдасың?” перформанс бағытындағы қойылымды студенттеріне ұсынды. Қойылымды колледж студенттері жылы қабылдап, спектакль соңында колледж директоры Нұртас Ахатұлы жас ұжымға батасын беріп, алғысын білдірді.
Абай Құнанбаевтың 175 жылдық мерейтойына орай колледж кітапханасының ұйымдастыруымен «Абай ақылшым» атты оқырман конференциясы өтті. Абайдың қара сөздері, афоризмдері айтылып, өлеңдері оқылды, әні шырқалды. Қалың оқырманға ойы ұшқыр, рухани азық болатын тақырыпта баяндамалар талқыланды. Колледж студенттеріне Абай афоризмдерінің мағынасы жайлы сұрақ қойылып, жауап алынып, бейнеролик ретінде көрермендерге көрсетілді. Конференция соңында кітап көрмесіне шолу өткізілді. Ақын, философ Ерболат Баятұлы қорытынды ойын ортаға салып, жастарға үлгі боларлық әңгіме айтты.
1 наурыз күні Ақан сері атындағы жоғары мәдениет колледжінің «Жаншуақ» волонтерлік қозғалысы («Педагог-мәдени демалыс ұйымдастырушы, театрландырылған көпшілік қойылымдар режиссері» біліктілігінің 1 және 2 курс білім алушылары) «Қоғамдық келісім» КММ алаңында өткен «Масленица» іс-шарасына қатысты. Білім алушылар қонақтармен хоровод жүргізді, балалармен ұлттық ойындар ойнады, арқан тарту кезінде «күшпен күрес» ұсынды, «Жастықтармен күрес», зияткерлік викторина, әзіл айту және т.б. ұйымдастырылды. Мереке өте көңілді өтті!
Жастардың кәсіби біліктілігі мен шеберлігін арттыру, халықаралық деңгейдегі стандарттарға сәйкес білікті кадрларды даярлау мақсатында WorldSkills чемпионаты жыл сайын өңірлік, республикалық және халықаралық деңгейлерде өткізіледі. Біздің колледждің білім алушылары жыл сайын байқауға қатысады. WorldSkills-2020 аймақтық чемпионатына дайындық үшін 7-17 ақпан аралығында Ақан сері атындағы жоғарғы мәдениет колледжінің білім алушылары арасында «Сән технологиясы», «Сырлау және сәндік жұмыстар», «Визуалды мерчендайзинг және витринистика», «Мектептегі музыканы оқыту», «Флористика», «Интерьер дизайны», «Хореография» құзыреттері бойынша байқау өткізілді. Чемпионаттың қатысушылары дайындықтың жоғары деңгейін көрсетті, әркім өз жұмыс орнында жеке тапсырмаларды орындай отырып, алдына қойылған міндеттерді шешті. Әрбір қатысушының табысы тек жеке кәсіби қасиеттері туралы ғана емес, сонымен қатар біздің колледжде кәсіби дайындық деңгейін де көрсетеді. Біздің колледж білім алушылары оқу бағдарламаларын меңгеру сапасының жоғары деңгейін көрсетті.
Колледж ішіндегі чемпионаттың қорытындысы бойынша аймақтық чемпионатқа әр құзырет бойынша тәуелсіз сарапшылар ең үздік деп танылды:
«Сән технологиясы» – Тилеухан Аймерей
«Сырлау және сәндік жұмыстар» – Хасенова Тайя
«Визуалды мерчендайзинг и витринистика» – Жумабай Даурен
«Мектептегі музыканы оқыту» – Мұханбедуали Оразмұхамеджанкерей
«Флористика» – Саакян Ангелина
«Интерьер дизайны» – Артюхова Людмила, Думангали Махамбет
«Хореография» – Сабирова Медина, Ямаева Виолетта.
Біз қатысушыларға сәттілік пен жеңістер тілейміз және де ең үздік екеніне сенеміз!
Білім беру саласындағы ең беделді марапаттаулардың бірі – «Қазақстан Республикасының Білім беру ісінің құрметті қызметкері» төсбелгісімен Ақан сері атындағы жоғары мәдениет колледжінің бірінші санатты режиссура пәні оқытушысы Галина Леонидовна марапатталды. Галина Леонидовна, лайықты марапат алуыңызбен құттықтаймыз! Сізге алдағы уақытта табысты өмір жолын, ауқымды мақсаттардың тез арада іске асуын, жоғары нәтижелерді және Қазақстан Республикасының игілігі үшін одан әрі табысты қызмет етуіңізді тілейміз!
Өзін-өзі тану онкүндігі аясында 4 ақпан күні Ақан сері атындағы жоғары мәдениет колледжінде «Балаларға берілген жүрек» тақырыбында адамгершілік-рухани білім беру бағдарламасының авторы С. А. Назарбаеваға арналған тақырыптық сынып сағаты өтті. Білім алушыларды Сара Алпысқызының өмірбаянымен (әңгіме көркем презентациялармен сүйемелденді) таныстырды, оның рухани-адамгершілік білім беруді дамытуға, «Бөбек» орталығының дамуы мен жұмыс істеуіне қосқан үлесі туралы толық мәлімет берді, «Сара Алпысқызының алтын жүрегі» атты бейнеролик көрсетілді. Балалар өздерінің «Өзін-өзі тану» пәнін неге үйрететіні туралы әсерлерімен бөлісті; мейірімділік туралы әндер айтып, өлеңдер оқыды, «жалпыадамзаттық құндылықтар бар жүрек» суретін салды. Әр білім алушының жүрегіне сынып сағаты жақсылықтың бір бөлігін әкелді.
Ұлы Абайдың 175 жылдық меретойына орай 2020 жылдың 31 қаңтар күні Ақан серэ атындағы жоғары мәдениет колледжінің студенттері мен оқытушылары «Ақыл сөзді іздесең…..» жалпықалалық диктантқа қатысты. Іс-шараның негізгі мақсаты-дана Абайдың тағылымын жастардың санасына сіңіру, ұлы тұлғаның ой-тағылымын кеңінен дәріптеу.
Ақан сері атындағы жоғары мәдениет колледжінің білім алушылары Ақмола облыстық тарихи-өлкетану мұражайына қайта жаңартудан кейін барып қайтты. Мұражай қызметкерлері саяхат өткізіп, жастарға неғұрлым тереңірек зерттелген тарих туралы айтып берді.
21 қаңтарда ҚР еңбек сіңірген өнер қайраткері, А.С.Пушкин медалінің иегері, Ақмола облыстық орыс драма театрының бұрынғы директоры мен көркемдік жетекшісі, белсенді қоғам қайраткері, ЮНЕСКО істері жөніндегі Үкіметтік комиссияның мүшесі, «Руханият» партиясы облыстық филиалының жетекшісі, Қазақстан халқы Ассамблеясының мүшесі Валерий Васильевич Тарасов 70 жасқа толды.
Ақан сері атындағы жоғары мәдениет колледжі мерейтойлық іс-шараға қатысты. Валерий Васильевич әрдайым оқу орнына, оның ішінде «Драма театры әртісі» мамандығын ашу кезінде қолдау көрсетті. Қазіргі уақытта Ақмола облыстық орыс драма театрының труппасының 20-ға жуық актері біздің колледждің түлектері болып табылады. Бүгінгі күні әлеуметтік серіктестік аясында колледж бен театр арасындағы өзара байланыс нығая түсуде.
Мерейтой иесін шын жүректен құттықтай отырып, зор денсаулық пен ұзақ өмір тілейміз!
