Архив: Author: admin

Қазақстан Республикасы Президентінің 2018 жылғы 19 ақпандағы № 637 Жарлығына және Қазақстан Республикасы Премьер-Министрінің 2018 жылғы 13 наурыздағы № 27 өкімімен бекітілген «Қазақ тілі әліпбиін латын графикасына 2025 жылға дейін көшіру жөніндегі іс-шаралар жоспарына» сәйкес 2018 жылғы 14 қарашада сағат 11.00-де республика бойынша жалпыхалықтық диктант өткізілді.

Диктанттың өткізудің мақсаты –  жаңа қазақ әліпбиін насихаттау, латын негізде қазақ әліпбиін практикалық тұрғыда меңгеруге дағдыландыру. Жалпыхалықтық диктантқа Жоғары мәдениет колледжінен 382 адам қатысты: 351 студент және 31 қызметкер. Нәтижелер: «үздік» – 158, «жақсы» – 145.

2018 жылғы 02 қарашада  Ақан сері атындағы жоғары мәдениет колледжінде  «1 курс білім алушыларының колледжге бейімделуі» тақырыбында  ата-аналар жиналысы өтті.

Күн тәртібінде   1 курс білім алушыларының оқу  қызметіне  бейімделуі;  Бірінші аттестататтау нәтижесі және сабаққа қатысулары  бойынша  талдау;   Жасөспірімдердің физикалық және психикалық денсаулығын нығайту және деструктивті мінез-құлқының  алдын алу бағдарламасы; Кәмелетке толмағандардың әкімшілік  жауапкершілігі мәселелері қарастырылды.

Жиналыс білім алушылардың дайындаған шағын концертімен жалғастырылды.

2018 жылғы 22 қазанда Жоғары мәдениет колледжінің өмірінде маңызды оқиғалардың бірі – Студентікке қабылдау өтті.

«Достар» МС  салтанаттың ең талантты және сәнді кейіпкерлері – 1-курс білім  алушылары, сонымен қатар оқытушылар, ата-аналар, аталған іс-шараны ұйымдастырған жоғары курс білім алушылары  жиналған креативті, заманауи  «METGALA-2018» концерті өтті.

БП тобының  әсерлі билері,  ТҰЖ тобының КВН командасының жарқыраған әзілдері, ДТА және КҚҰ топтары  білім алушыларының қайталанбас театралдық шағын қойылымдары, колледждің вокалдық ұжымдарының музыкалық номерлары, сонымен қатар шеберлікпен монтаждалған бейнеклиптер мен шоу-бағдарлама нағыз сәнді кештің атмосферсын туғызды.

Осы сәттен бастап Ақан сері атындағы жоғары мәдениет колледжінің үлкен отбасына мүше болатын 1-курс білім алушыларына сынақ кітапшалары мен студенттік билеттер ұсынылып, олардың ант берулері іс-шараның кульминациялық сәті болды.

4 ККҰ және 4 ДТА топтары білім алушыларымен бірге концерттік бағдарламаны дайындаған режисерлер – білім алушылар Рязанова Светлананың, Дмитрий Завадскийдің, Ақтілек Болатбекұлының жұмысының арқасында «METGALA-2018» заманауи және сәнді бағдарлама ретінде көрермендердің есінде көпке дейін сақталады.

Ақмола облысы Көкшетау қаласының Ақан сері атындағы жоғары мәдениет колледжінде 2018 ж. 17 қазаны тарихи айтулы күн болды. Ақын, сазгер Ақан сері Қорамсаұлының ескерткіші колледж алаңында бой көтерді. Көкшетау қаласы әкімінің орынбасары А.Б. Амренова,  драматург, ақын, жазушы, Көкшетау қаласының құрметті азаматы  Төлеген Қажыбаев, Көкшетау қаласының құрметті азаматы , Ақан серінің жерлесі  Б.С. Жанадилов, Көкшетау қаласының мәдениет және тілдерді дамыту бөлімінің бастығы А.Б.Сабитова А.Б., Мәлік Ғабдуллин мұражайының директоры Қ.Р.Мырзабек, ҚР еңбегі сіңген артисі Бисара Макенова, әнші  Қажыбай Жахин,  ақын Қуаныш Оспан сынды құрметті қонақтар салтанатты рәсімнің көркін қыздырды. сонымен қатар БАҚ өкілдері де салтанатты кештің куәсі болды. Ертеңгі өскелеңге адаспас алтын қазыққа айналатын тарихи тұлғамыздың ескерткішінің авторы  «Шабыт» фестивалінің лауреаты,  жерлесіміз     Әбенов Ринат Жантөреұлы.

Салтанатты рәсім әуелі Ақан сері Қорамса ұлының өмірін бейнелейтін колледж студенттерінің сахналық қойылымымен бастау алса, алғашқы құттықтау сөз бен мүсінді  ашу құрметі Көкшетау қаласы әкімінің орынбасары А.Б. Амреноваға берілді.  Іс-шара дәстүрлі шашумен жалғасып, қонақтардың құттықтау сөздері айтылды. Жас ақын Қуаныш Оспановтың ұлы тұлғаға арнауы оқылып,  дәстүрлі ән өнерінің дәріптеушісі Қажыбай Жахиннің орындауындағы Ақан серінің «Маңмаңгер» әнімен іс шара жалғасын тапты. Тұлғаға арнап тұрғызылған мүсіннің ашылу салтанатының соңы Ақан сері атындағы жоғары колледжінің ән ұранымен аяқталды.

2018 жылғы 10 қазанда 1 курс білім алушыларымен АНТ кездесуі өтіп, түсіндірме жұмысы өткізілді. Топ құрамына кірген ЖРО өкілдері «Жастар саясатының мүмкіндіктері» тақырыбында ақпарат берді, «ҚР әкімшілік және қылмыстық заңнамаларының кейбір нормалары» тақырыбында полицияның учаскелік инспекторы әңгіме өткізді, «Конфессияаралық қатынастарға талдау және  дамыту орталығы»  өкілдері білім алушыларға декструктивтік жалған діни ағымдардың пайда болу  қаупі мен формалары жайлы; Жұмыспен қамту орталығының өкілдері жұмысқа тұру мүмкіндіктері туралы айтып берді.  1-курс білім алушылары қызығушылықпен тыңдап, сұрақтар қойып, кеңестер алды.

Қазан айында аталып өтетін мерекелер ішіндегі ең ұлық та, ұлағатты мерекенің бірі – «Ұстаздар күні». Осынау ерекше күнді атап өту мақсатында Ақан сері атындағы жоғары мәдениет колледжінің білім алушылары  ұстаздарға арнап мерекелік іс-шара ұйымдастырды. Мерекелік кеш шымылдығын колледж директоры Қ.Идрисова ашып, оқытушыларды төл мерекесімен құттықтады. Қызметте белсенділік пен жоғары жетістіктерге жеткені үшін ҚР Білім және Ғылым Министрі Е.Сағадиевтің  алғыс хатымен бос уақытты ұйымдастыру пәнінің оқытушысы Г.Кочетованы марапаттаса, Ақмола облысы білім басқармасы басшысы Т.Жүнісовтің  құрмет грамотасы колледж психологы А.Үмбетоваға табыс етілді.

Мерекелік кеш соңы  студенттердің дайындаған концерттік бағдарламасымен  жалғасын тапты. Білім алушылар ұстаздарға арнаған ізгі тілектерін білдіріп, мерекелік көңіл-күй сыйлады.

Ақан ері атындағы жоғары мәдениет колледжінің Ұстаздар күніне арналған концерттің өткізілуіне жауапты болуы дәстүрге айналған.  3 қазан күні Үкілі Ыбырай атындағы Ақмола облыстық филармониясында Ұстаздардардың төл мерекесіне арналған үлкен іс-шара өтті. Мектеп формасын киген жоғары сынып  оқушылары шарлармен қарсы алған қонақтар қызыл кілемнен өтті.  Ғимарат фойесінде балалар суреттерінен тұратын тамаша экспозиция қойылды (Көкшетау қаласының балалар көркемсурет мектебі), «Ұстаздар күні-2018» атты баспасөз-қабырғасы орнатылды, көрермендер залының алдында «Мерекелік көңіл-күй!» театралдық-көркемдік перфоменс жұмыс істеді. Көрермендер залында тақырыптық музыка ойналып, LED-экраннан ұстаздарға бейнеқұттықтаулар көрсетілді. Түрлі-түсті шарлар,. шарфтар,  ленталар ұстаған  Ақан сері атындағы жоғары мәдениет колледжінің студенттері мерекелік  слогандармен ұстаздарды қарсы алды. Қонақтар көтеріңкі көңіл-күймен орындарына жайғасты.

Прологтан кейін қонақтарды облыс әкімі Мәлік Кеңесбайұлы Мырзалин құттықтап, облыстың үздік педагогтарын марапаттады.

Концерт барысында Ақан сері атындағы жоғары мәдениет колледжінің «The best» тобының орындауында   «Озера доброты» әні, колледж білім алушыларының орындауында «Мен қазақ қыздарына қайран қалам»,  «Ауылым», «Вальс», «Don t  worry» әндері шырқалды. «Жаркын» халықтық би ансамблінің орындауында «Жастар биі» қазақ биі, «Самоцветы»  ансамблі  «Камаринская» орыс пляскасын және  «Авар биін»,      «Diamond» би ансамблі  «Стиляги» заманауи биін, аспаптық квартет Дәулеткерейдің  «Түркімен күйін» орындады.  Мерекелік концерт «Ұстазым» әнімен аяқталды.

Ақан сері атындағы Көкшетау мәдениет колледжінде Қазақстан Республикасы халқының тілдері күніне  арналған онкүндік жоғары деңгейде өткізілді.

Он күн бойы білім алушылар да,  оқытушылар да  тіл мен шығармашылық әлеміне  қызықты, әрі танымды саяхаттың   куәгерлері және белсенді қатысушылары болды.

Бірінші күн. Қазақстан халқы  тілдері күніне  арналған онкүндік «Мәңгілік елімнің – мәңгілік тілі» салтанатты жиынмен ашылды.

Салтанатты жиын барысынды қабырға газеаттері көрмесінің ашылу рәсімі өткізілді.

Екінші күн. Ағылшын тілі пәнінің оқытушысы Б.Т.Хамзина «Үш тұғырлы тілдің әлемі» зияткерлік ойынын өткізді. Ойынның мақсаты:  Елбасының  «Үштілділік» саясатын насихаттау, білім алушылардың қазақ тіліне, орыс тіліне, ағылшын тіліне қызығушылықтарын арттыру.

Үшінші күн. «Тіл мерейі-ел мерейі!» деген тақырыпта мәнерлеп оқу сайысы өтті. Cайысқа қатысушылар қазақ ақындарының патриоттық тақырыптағы өлеңдерін нақышына келтіріп, жатқа оқыды. Сайыстың келесі кезеңінде қазақ жазушыларының прозалық шығармаларынан үзінділер оқып, актерлік қабілеті мен дауыс мәнері сарапқа салынды.

Төртінші күн.  Орыс тілінде оқитын 1 курс білім алушылары өздерінің мемлекеттік тілді меңгеру деңгейін көрсетті. Сайысқа қатысушылар тақырыпқа байланысты мақал-мәтелдерді, қанатты сөдерді жатқа айтып, берілген сөйлемдердегі көп нүктенің орнын толтыру сияқты тапсырмалар орындады. Сайыстың қорытындысы бойынша 1 курс «Ана тілі» (Көпшілік қойылымдар ұйымдастырушы) тобы 1 орын, 1курс «Болашақ» (Педагог -Бишілер) тобы екінші орын, 1курс «Дизайнерлер» ДИ тобы 3 орынға ие болды.

Бесінші күн. 1-2 курс білім алушылары арасында «Мәңгілік еліміздің мәңгілік тарихы» атты шығармалар сайысы қазақ тілі және әдебиеті пәндерінің оқытушысы А.Қ. Ибрайханованың ұйымдастырылуымен өтті.  Білім алушылар қазақ тілінің қолданылу аясы  туралы өз ойларын жазып, толғандырған мәселелермен бөлісті.

Алтыншы күн. «Әлем ұлттарының ойындары» спорттық сайыстарын дене тәрбиесі пәнінің оқытушысы Н.Ш.Садыков ұйымдастырды. Білім алушылар ептіліктері мен шапшаңдықтарын көрсетіп, барлық ойындарға белсене қатысты.

Жетінші күн. Үш тілді меңгерген білім алушылар арасында  «Тілдарын – 2018» олимпиадасы колледж білім алушыларының арсында үздік полиглоттарды анықтады. (Оқытушы – филологтар) Студенттер ықылас қойып  қазақ тілі, орыс тілі, ағылшын тілдерінен білімдерін көрсетті.

Сегізінші күн. «Let’s speak English» білім алушылар арасында сыныптан тыс іс-шараны ағылшын пәнінің оқытушысы Волевач С.В.  өткізді. Ұйымдастырушылар сахналық қойылым дайындады.“Aboutmyself” және “Myworkingday” тақырыптары бойынша студенттер диалог құрастырып,  үздік білімдерін көрсетті. Іс-шара қатысушы қонақтардың көңілінен шықты. Оларға білім алушылардың белсенділігі және пәнге деген қызығушылығы ұнады.

Онкүндіктің жабылуы шеңберінде салтанатты жиын өткізіліп,  қорытынды жасалды, білім алушыларға дипломдар мен грамоталар тапсырылды.

Ақан сері атындағы жоғары мәдениет колледжінде «Отбасы – өмр аясы» тақырыбында сынып сағаттары өтті. Аталған тәрбиелік шара Қазақстан Республикасында 2013 ж. бастап қыркүйек айының екінші жексенбісінде аталып өтетін отбасы күнін мерекелеуге сабақтастырылды.

Сынып сағатының мақсаты «Отбасы» құндылығы туралы түсініктерді отбасы туралы ұғымдарды кеңейту, оны сүйе білуге, отбасы игілігі үшін талмай еңбек етуге үйрету.

Өз ісін білетін шығармашыл топ кураторларымен сынып сағатын өткізудің түрлі нысандары: әңгіме, диспут, талқылау, театрландырылған қойылымдар, сұрақтар мен жауаптар таңдалынып, олар түрлі тұсаукесерлермен, тақырыптық бейне-роликтер қараумен, өлеңдер, отбасы туралы аңыздар тыңдалып, логикалық жұмбақтарды табу және басқа да қызықты нысандар және жұмыс әдістерімен ілестірілді.

Ақан сері атындағы жоғары мәдениет колледжінің  әкімшілік  және оқытушылардан құралған   ұйымшыл ұжымы  білім саласы қызметкерлерін оқу жылының басталуымен құттықтайды! Оқу жылы табысты болып,  шығармашылық өрлеу, қызықты идеялар мен тартымды істер көбейсін.

Оқу жылының басталуына байланысты, 2018 жылғы 3 қыркүйекте  колледж фойесінде «Рухани жаңғыру – мәңгілік ел» аясында салтанатты тақырыптық жиын өтті. Колледж директоры және барша ұжым жаңадан қабылданған 1-курс студенттерін жылы шыраймен қарсы алып, өз қатарларына қабылдады.  Сол жиын колледж  білім алушыларына «Мен өз елімнің патриотымын» атты алғашқы сынып сағатымен жалғасты.