Архив: Author: admin

Дельфий ойындары — классикадан бастап қазіргі заманға дейінгі өнердің барлық түрін қамтитын жарыс түрі . Бұл жарыс ең алдымен жастардың шығармашылығын дамытуға көмектеседі. Дельфийлік ойынның тарихы біздің эрамызға дейін, Овидия және Плутарха заманында басталған. Қазіргі «Дельфийлік ойындары» жобасының негізгі мақсаты: — Қазақстанның дарынды талантты жастарын қолдау таныту. Аталмыш байқауға колледжіміздің дарынды студенттері белсенді қатысып бақ сынауды әдетке айналдырған.
Қазақстан Республикасының XIV ұлттық жастар дельфий ойындарының аймақтық іріктеу кезеңіне қатысып театр өнері (14-21 жас) номинациясы бойынша Ақан сері атындағы жоғары мәдениет колледжі стдуденттері жүлделі бірінші орын жеңіп алды жетекшілері ҚР Мәдениет қайраткерлері Айтжан Настайқызы мен Жанар Кусайнова. Лев Толстойдың «Адамға қанша жер керек» повесті бойынша «Театр ұжымының жетекшісі режиссер» біліктілігінің төртінші курс студенті Комис Олжастың режиссерлігімен сахналанаған қойылым, бұйырса республикалық кезеңде бақ сынайды. Жас сахнагерлерімізге сәттілік тілейміз.

Домбырамның қос ішегі Мұңлығым мен Зарлығым,

         Домбыраның өн бойында менің барлық тағдырым.

         Міне осы домбырамен Ақан айтқан зар мұңын,

         Домбыраның шанағына сақтай білген барлығын.

 Дәулескер дарын, сырбаз сазгер, арқалы ақын, дүлділ әнші – Ақан сері Қорамсаұлының 180 жылдығына орай ұйымдастырылған республикалық «Ақаннан әуелеген әсем ән» дәстүрлі   әншілер  байқауы аяқталды. Байқауға  12 жаспен 25 жас аралығындағы 40 тан астам  өнерпаз Ақжігіт Қорамсаұлының әндерін нақышына келтіре шырқай отырып өз бақтарын сынады.  Байтақ Қазақстанның түкпір-түкпірінен келген өнерпаздар жас-жасына байланысты сараланды.

12-15 жас, 16-19 жас, 20-25 жас болып үш топқа бөлінген әншілер Көкшетау шаһарын әнге бөлеп, кешегі сал мен серілердің әншілік дәуірінің керуенін кері жылжытқандай әсер қалдырды. Байқау жоғары деңгейде өтіп, гала концертке келген көпшілік өздерінің қуанышты эмоциясын жасырмады.

• «Балалар» – 12-15 жас аралығындағы қатысушылар арасынан

 Бас жүлде ақшалай сыйлықпен – Нүптеке Іңкәр Нұрманқызы (Астана қ., Қазақ ұлттық өнер универститетінің колледжі)

1-орын  ақшалай сыйлықпен – Рамазан Томирис (Астана қ., Роза Бағланова атындағы №2 БММ)

2-орын ақшалай сыйлықпен – Дауталина Дина Нурлановна ( Ақтөбе қ .,  №8 ОМ)

3-орын ақшалай сыйлықпен –  Қабиденов Дидар Азаматович (Көкшетау қ., Біржан сал атындағы музыкалық колледжі)

• «Жасөспірімдер» – 16-19 жас аралығындағы қатысушылар арасынан

 Бас жүлде ақшалай сыйлықпен – Мадетхан Айдын (Астана қ., Қазақ ұлттық өнер универститетінің колледжі)

1-орын ақшалай сыйлықпен – Қыдырханова Тахмина Медеухановна (Өскемен қ., Ағайынды Абдуллиндер атындағы Шығыс Қазақстан өнер училищесі) АЙТУ КЕРЕК ЖОЛ ЖҮРІП КЕТТІ ДЕП

2-орын ақшалай сыйлықпен –  Бримжанов Расул Куатович (Ұлытау облысы «Жезқазған музыкалық колледжі» КМКҚ)

3-орын  ақшалай сыйлықпен – Тұрсынғазы Досхан Сұңқарұлы (Абай облысы, «Семей қ., Мұқан Төлебаев атындағы музыкалық училище»)

 «Жастар» – 20-25 жас аралығындағы қатысушылар арасынан

Бас жүлде ақшалай сыйлықпен –  Төкенов Қуандық Қуатұлы (Қарағанды обл, Бұхар жырау ауданы)

1-орын ақшалай сыйлықпен –  Әлбосын Таңнұр  (Көкшетау қ., Ақан сері атындағы жоғары мәдениет колледжі)

2-орын ақшалай сыйлықпен – Сергазина Ақниет Шоханқызы (Астана қ., Қазақ ұлттық өнер универститетінің колледжі)

3-орын ақшалай сыйлықпен Тұрабекова Кәмшат Бердібекқызы (Астана қ., Қазақ ұлттық өнер универститетінің колледжі)

Келесі қатысушылар төмендегі аталымдармен марапатталады

 «Құлагер» аталымымен ақшалай сыйлықпен – Қажкен Мұрат (Солтүстік Қазақстан облысы, «Ермек Серкебаев атындағы өнер колледжі – өнерде дарынды балаларға мамандырылған мектеп-интернат кешені» КММ)

  «Маңмаңгер» аталымымен ақшалай сыйлықпен – Нұрмолдаев Данияр Ербосынович ( Алматы қ., П.И.Чайковский атындағы Алматы музыкалық колледжі)

  «Майда қоңыр» аталымымен ақшалай сыйлықпен – Нұрғалиұлы Азамат (Ұлытау обл. «Жезқазған музыкалық колледжі» КМКҚ

 «Балқадиша» аталымымен ақшалай сыйлықпен – Халық Гаухар Азаматқызы (Астана қ., Қазақ ұлттық өнер универститетінің колледжі)

 «Мақпал»  аталымымен ақшалай сыйлықпен – Тавлетеева Агиля (Павлодар обл., Экибастуз қ., Естай атындағы балалар музыкалық мектебі)  АЙТУ КЕРЕК ЖОЛ ЖҮРІП КЕТТІ ДЕП

«Шабыт» аталымымен ақшалай сыйлықпен – Төлегенов Ернар ( Н. Бекбосынов атындағы Маңғыстау энергетикалық колледжі)

Ақан сері (Ақ жігіт) Қорамсаұлы тек Көкшенің емес исі қазақтың тарихи тұлғасы мақтанышы. Ақан сері атындағы жоғары мәдениет колледжі бастап ұйымдастырған республикалық байқау өз жалғасын табады деген сенімдеміз.

Ақан сері атындағы жоғары мәдениет колледжі Ақмола облысының колледждері арасында өткізілген «Техникалық және кәсіптік, орта білімнен кейінгі білім беретін үздік ұйым» грантын беруге арналған облыстық конкурстың жеңімпазы атанғанын қуана хабарлаймыз!
Ұжымның кәсіби біліктілігі мен мамандардың замануи қабілетті еңбегінің, студенттердің білім деңгейі мен шығармашылық жетістігінің жемісі болған бұл жеңіс баршамызға шабытты күш, көңілді серпін сыйлады.
Жетістік пен жеңіске, сүйінші мен қуанышқа толы күндер көп болсын!

Ақан сері атындағы жоғары мәдениет колледжінде  жалпы білім беретін пәндер мен арнайы пәндер оқытушыларының  арасында әдістемелік фестиваль өтті.

Колледжішілік фестивальдің негізгі мақсаты – сабақтарды ұйымдастыру мен өткізудің дәстүрлі және инновациялық формалары мен әдістерін жетілдіру бойынша оқытушылардың  жұмысын жандандыру, оқытушының білім беру қызметінің негізгі түрі – сабақ арқылы өзінің кәсіби жетістіктерін көрсетуі.

Қатысушылар үшін келесі  номинацияларды таңдау құқығы ұсынылды: «Шеберлік сыныбы», «Жасаушы», «Ғажап». Сараптамалық топ құрамында колледж әкімшілігі, педагог-шеберлер, педагог-зерттеушілер болды.

Бұл байқауға дизайн пәндерінің,  музыкалық пәндердің, гуманитарлық пәндердің оқытушылары белсенді қатысты.

Байқау қорытындысы бойынша жеңімпаздар анықталды:

«Шеберлік сыныбы» номинациясы бойынша – дизайн пәндерінің  оқытушысы Хавдыразах Құлжазира және музыкалық  пәндер  оқытушысы  Омарова Патима Абибуллаевна;

«Жасаушы» номинациясы бойынша  – Қазақстан тарихы пәнінің оқытушысы Тілеуғабылова Гүлзина Төлекқызы және орыс тілі мен әдебиеті пәнінің оқытушысы Садвакасова Лилия Абитханқызы;

«Ғажап»номинациясы бойынша  –  жас педагог,  биология пәнінің оқытушысы  – Танатарова Балнұр Алмасханқызы.

Оқытушыларымызды  құттықтаймыз және шығармашылық шабыт тілейміз!

Ақан сері атындағы жоғары мәдениет колледжінің «Жарқын» халықтық би ансамблі Қазақстан Республикасы Мәдениет және спорт министірлігінің қолдауымен, Қазақ ұлттық хореография академиясының ұйымдастыруымен Астана қаласында өткен VI Республикалық Шара Жиенқұлова атындағы қазақ биі байқауына барып, бақ сынап қайтты. Астана балет театрының сахнасында біздің қыздар кәсіби мамандармен бірге иық тіресе өнер көрсетіп, мол тәжрибе жинап қайтты. Аталмыш байқауда жақында ғана Темірбек Жүргенов атындағы өнер академиясының грантын жеңіп алған 4 курс студенті Амирбеков Рустем Шара Жиенқұлованың шәкірті Гайникамал Нығыметжанқызының арнайы сыйлығымен марапатталды. Батыр майданда шынығады деген аталы сөз бар ғой, студенттерімізге әр байқау үлкен мектеп, асқақ арман және жаңа мақсаттарға жол ашады. Өнерпаз жастарымызға тек жеңіс тілейміз!

1. Көпшілік талқылауды өткізу күні: 2023 жылғы 1 наурыздан – 30 наурыз аралығында.
2. Көпшілік талқылауды өткізу әдісі: Ақмола облысы білім басқармасының жанындағы «Көкшетау қаласы, Ақан сері атындағы жоғары мәдениет колледжі» МКҚК https://vkkas.edu.kz/ru/ сайтында.

• Көпшілік талқылау өткізі туралы хабарландыру әдісі: 2023 жылғы                        01 наурыздан бастап 2023 ж. 30 наурызға дейін  Ақмола облысы білім басқармасының жанындағы «Көкшетау қаласы, Ақан сері атындағы жоғары мәдениет колледжі» МКҚК https://vkkas.edu.kz/ru/novosti/opoveshhaem-o-nachale-provedeniya-publichnogo-obsuzhdeniya-otcheta-o-deyatelnosti-v-sfere-okazaniya-gosudarstvennyh-uslug-za-2022-god-2/;

сайтында ақпаратты орналастыру.

4. Көпшілік талқылау қатысушыларының ұсыныстары және (немесе) ескертулер тізімі: көпшілік талқылау бойынша өткізілген іс-шаралар нәтижесінде қатысушылардың ұсыныстары және (немесе) ескертулері Ақмола облысы білім басқармасының жанындағы «Көкшетау қаласы, Ақан сері атындағы жоғары мәдениет колледжі» МКҚКна, сондай-ақ ресми интернет-ресурсында келіп түспеді.

Жаңа жылда, жақсы жаңалық.Қуанышпен бөліссең көбеиеді деп ырым ететін елмізғой, құтты мереке әз-Наурыздың қарсаңында Ақан сері атындағы жоғары мәдениет колледжінің дизайн пәндері оқытушысы Күлжазира Хавдыразах 20.03.2023 ж. «ҚАЗАҚТАНУ» және «ЕЛ БІРЛІГІ» ҚХА жобалары аясындағы «СӘНДІ СӘУКЕЛЕ МЕН КИЕЛІ КИМЕШЕК» шеберлер мен әуесқойлардың облыстық байқауына қатысып Бас жүлдеге ие болды. Оқу орынымызда осындай кәсіби мамандар жұмыс жасап, жастарды баулып жатқанына қуаныштымыз. Ұжым атынан Күлжазира Хавдыразах ханымды шын жүректен Құттықтаймыз!

Тәуелсіз мемлекетіміздің қалыптасуымен бірге Наурыз мейрамы барлық қазақстандықтар үшін жалпы халықтық сүйікті мерекесіне айналды. Көктемнің осы бір шағында табиғат қана түлеп қоймай, қоғамның ынтымағы мен бірлігін, бейбітшілігі мен түсіністігін нығайтатын адам баласының да жан-дүниесі жаңғыра түседі.

Наурыз – бұл тек көктемнің ғана емес, бұл ең әуелі ізгілік пен жақсылықтың мейрамы. Ұлыстың осы бір ұлы күні жер бетіндегі қанды соғыстар, дау-жанжалдар тоқтатылып, адамдар бір-біріне деген өкпе-реніштерін ұмытып, кешірімге келіп, татуласып, табыса білген. Халқымыз мол дастарқанын жайып, ақ жарқын көңілмен жүздесіп, дәм татысып, өткен-кеткеннен сыр тартып, барша адам баласына жақсылық, аманшылық тілеп, жастарға ақ баталарын берген. Ақан сері атындағы жоғары мәдениет колледжі жыл сайын төл мерекемізді жоғары деңгейде қарсы алуды әдетке айналдырған. Ұлттық өнер мен ұлттық ойындарды жаңғырта отырып науырыз көжеден дәм татым бір тұтас отбасындай биылғы жылыда жыл мерекесін қарсы алдық. Ақан сері атындағы жоғары мәдениет колледжі ұжымы атынан баршаңызды әз-Науырыз мейрамымен шын жүректен құттықтаймыз!

Ақмола облысының білім басқармасының Абылай хан алаңына әз-Наурыз мейрамына орай тіккен қазақ үйінде Ақан сері атындағы жоғары мәдениет колледжі ұмыт болып бара жатқан “Ұрын келу” мен “Бесікке салу” дәстүрін көрсетті. Ағыл тегіл келген адамдар қарасының көп болғаны соншалық , театрландырылған көріністерімізді көпшіліктің сұрауы бойынша 10 шақты рет қайталап көрсетіп, елдің ақ батасына бөлендік. Арнайы тігілген киіз үйге облыс әкімі Ермек Боранбайұлы Маржықбаев мырза да мейман болып келіп, жастардың өнерін тамашалап, қала халқымен суретке түсіп ізгі тілегін арнады.
Міне күн мен түннің теңелуімен қатар қасиетті рамазан айы келе жатыр. Барша жерлестерімізді Самарқанның көк тасы еріген көктем мерекесімен құттықтаймыз, бейбітшілік заман болып тәуелсіздік таңы арайлап ата берсін.

“Көрісу күні” құтты болсын!

Ағайнның амандығын, елдің есендігін, төңіректің татулығын бірінші орынға қойған Қазақ халқы қашанда береке мен бірлікке дәнекер болған. Сөзіміздің бір дәлелі соңғы жылдары аталып өтіп жүрген “Көрісу күні”.

Ықылымнан аталарымыз атының тұяғын шалдырып, көшіп-қонып күн кешсе де күн жылынып, нәр өзек наурыз келген шақта аяққы ел өрдегісін, етектегі ел төрдегісін іздеп амандық-саулық сұрап көрісе барған екен. Дәл осы үрдістің жалғасы ретінде барша қазақ жұртынан есендік сұраймыз?!. Кәрі құтан қыстан шыққан ағайынға саулық тілейміз! Жер аяғын кеңіткен көктемнің шуақты әр күні көңілдеріңізге сәуле, бойларыңызға нәр құйсын! “Көрісу күні” құтты болсын! Есендікте-саулықта, қуаныш пен шаттықта жолыға берейік!

Құрметпен: Құралай Ғазизқызы
Ақан сері атындағы жоғары мәдениет колледжі