Архив: Author: admin

Жоғарғы мәдениет колледжінде үстел теннисінен колледж чемпионы атағына турнир өтті, оның негізгі мақсаты – салауатты өмір салтын насихаттау, спорттың қарапайым түрлерін кеңінен қолдану. Турнирдің алғашқы минуттарынан бастап, жүлделі орындар үшін табанды және қарқынды күрес басталды. Алғашқы ойнаған партиялардан кейін фавориттер анықталды, бірақ қалған спортшылар оларға босаңсуға мүмкіндік бермеді және лайықты қарсылық көрсетті. Ұлдар арасында бірінші орынды Райхан Айдаулет (4 РХАОЖ), 2 орынды Хамза Айдын (4 ТҰЖ), 3 орынды Ануарбеков Жандос иеленсе, қыздар арасында 1 орын-Темиртасова Алина (3 ИД), 2 орын – Тулек Дильназ (1 ТҰЖ), 3 орын – Мырзабаева Ақмарал (1 ККҰ) иеленді. Балаларды жеңісімен құттықтаймыз!

Ақан сері атындағы жоғары мәдениет колледжінде  тек креативті оқытушылар жұмыс істейді және дарынды  білім алушылар оқиды. 14 қарашада жаңа корпустың мәжіліс  залында өткен  «Екі жұлдыз»  байқауының бірінші кезеңі бұған дәлел болып табылады.  Оқытушылар мен білім алушылардан құралған 8 жұп өздерінің  вокалдық қабілеттерін көрсетті.  Көңілді әуендер, лирикалық композициялар, аспапты музыка орындалды,  әр нөмір хореографиялық суреттемелермен сүйемелденді. Қорытынды бойынша барлық қатысушылар келесі кезеңге өтті! Әр қатысушыға сәттілік тілейміз!

Дені сау ұлт – мемлекет болашағының негізі. Дені сау адамды қалыптастырудың, оның денсаулығын одан әрі сақтаудың міндетті шарты дене шынықтыру және спортпен айналысу болып табылады. Білім алушылар арасында салауатты өмір салтын насихаттау, ұжымшылдық, серіктестік сезімдерін тәрбиелеу, өзара көмек көрсету және шығармашылық ойлау мақсатында 12 қарашада  Ақан сері  атындағы жоғарғы мәдениет колледжінің жаңа спорт залында 1 курс білім алушыларының  арасында “Көңілді старттар” өтті. Сайыс пен эстафетаның қорытындысы бойынша үшінші орынды  –  1 БП (ор.) командасы,  екінші  орынды – 1ХАОЖ және 1 КД командалары, бірінші орынды – 1 ККҰ командасы иеленді.  Жеңімпаздар грамоталармен  және тәтті сыйлықтармен марапатталды.

4 қараша күні Ақан сері атындағы жоғары мәдениет колледжінде 16-20 жас аралығындағы студенттер арасында «Жігіт сұлтаны» байқауы өткізілді. Қатысушыларға қойылған талаптар: презентация, мемлекеттік тілді еркін меңгеру, сөз шеберлігі, салт-дәстүр, әдет-ғұрыпты дәріптеу. Қатысушылар 6 кезеңнен өту керек болды. Байқауға 7 студент қатысты: Есбол Ерлік (1 БП), Ноярбеков Саяділ (2 ТҰЖ), Айкишев Сабыржан (2 ХАОЖ), Мүшелхан Ғажайып (2 ДТА), Садуақас Тұрар (3 ТҰЖ), Дәулет Аян (3 ТҰЖ), Қабдеш Мақсат (4 ТҰЖ). Байқау қорытындысы бойынша Қабдеш Мақсат Бас жүлдеге, әлеуметтік желіде дауыс беру қорытындысы бойынша көрермендер көзайымына Дәулет Аян ие болса, басқа қатысушылар түрлі номинациялармен марапатталды.

2019 жылдың 30 қазан күні М.Жұмабаев атындағы Ақмола облыстық әмбебап ғылыми кітапханасында Сәкен Сейфуллиннің 125 жылдығына орай «Қазақтың Ақсұңқары» атты ақынның шығармашылығына байланысты буктрейлер сайысы ұйымдастырылған болатын. Аса қызықты буктрейлер Ақан сері атындағы жоғары мәдениет колледжінің 3 КБ студенттері С.Сейфуллиннің «Тар жол тайғақ кешу» романына әзірлеген буктрейлер облыс аудандары арасында ІІІ – орынға ие болды.

2019 жылғы 5 қарашада Ақан сері атындағы жоғары мәдениет колледжінде сыбайлас жемқорлыққа қарсы күреске арналған «Саналы Ұрпақ» клубының ашылуы өтті. Бұл іс-шараның жетекшілері: Голикова Е.В., Тлеугабылова Г.Т., Қажмұратова А.К. болды. Осы кездесуге арнайы шақырылған қонақтар Тайшенова Самира – «Адалдық алаңы» жобалық кеңсесінің жетекшісі, Ли Марина Борисовна – білім басқармасының тәрбие жұмысы бөлімінің бас маманы.

Қызу әңгіме барысында сыбайлас жемқорлыққа қарсы күрес әдістеріне қатысты көптеген мәселелер қарастырылды. Студенттер белсенді қатысып, көптеген сұрақтар қойды.

Кездесудің шарықтау шегі еліміздегі сыбайлас жемқорлық мәселелері туралы өз пікірін білдірген студенттердің сөз сөйлеуі болды.

2019 жылғы 1 қарашада ұлттық өнердің өрісіне үлес қосып жатқан, өнер мектебі ретіндегі, Көкшетау қаласындағы Ақан сері атындағы жоғары мәдениет колледжіне өңіріміздегі колледждердің тәжірибелі, табысты басшылары оқу орындары арасындағы өзара ынтымақтастық пен достық қарым-қатынасты нығайту шеңберінде студенттермен кездесу өткізді. Колледж ұжымы мен студенттері қонақтарды  жаңа оқу ғимаратында қарсы алып, көптен күткен акт залында, кең кітапхана кешеңінде, тренажер мен үлкен спорт залында және хореографиялық залдарда өз өнерлерін көрсетті. Осының барлығы мамандарды даярлау сапасын арттыруға және білім іздеп келген өрендерге үлкен тәлім-тәрбие беретіндігі сөзсіз.  Колледждің шаңырағы биіктеп, шағын отаудың іргесінен үй тігіп, мүмкіндігінің артып, арман – мұратының орындалған қуанышына  ортақтасуға келген арнайы қонақтарымыз шағын хас-шеберліктер мен концерттік нөмірлерден кейін ұстаздар ұжымы мен  студенттерді осындай маңызды оқиғамен құттықтап, тағы да үлкен шығармашылық жеңістер тіледі!

Ішімдікті тұтынудан бас тарту күніне орай Ақан сері атындағы жоғары мәдениет колледжінде «Зиянды әдеттерден аулақ бол!» тақырыбында тәрбие сағаты болып өтті. Оған колледждің 1-2 курс білім алушылары қатысты. Тәрбие сағатын математика пәнінің оқытушы Ерлан Таберхан өткізді. Ішімдік барлық жамандықтың қайнар көзі екенін, оның адам мен қоғамға алып келетін орасан зор зардабы жайында сөз қозғалды. Сондай-ақ арақтың пайдасы жайында қоғамда қалыптасқан пікірлердің қате екені, оның ешқандай пайдасы жоқ екені дәлелдермен келтірілді. Сөз соңында, білім алушыларды ішімдік секілді жаман әдеттерден аулақ болуға, спортпен айналысып, салауатты өмір салтын ұстануға,сондай-ақ жастық шақта білім алып, өнер үйреніп, уақытты пайдалы өткізуге шақырды.

«Өрлеу» БАҰО филиалы Ақмола облысы бойынша ПҚ БАИ өткізген «Педагогикалық идеялар панорамасы» атты Республикалық бейнесабақтар байқауында Ақан сері атындағы жоғары мәдениет колледжінің дизайн пәндері оқытушысы Қымбат Мұқанқызы Құсайынова байқаудың 100 қатысушысы арасында құрметті 3 орынға ие болды! Қымбат Мұқанқызын шын жүректен құттықтаймыз және шығармашылық табыс тілейміз!