Архив: Author: admin

2023 жылғы 02 ақпанда «Көкшетау қ. Ақан сері атындағы жоғары мәдениет колледжі» МКҚК жанындағы «Өнер және гуманитарлық ғылымдар» бейіні бойынша оқу-әдістемелік бірлестігінің базасында «Педагогтың кәсіби құзыреттілігін дамыту білім сапасын арттыру факторы ретінде» тақырыбында семинар-практикум өтті.

Семинар-практикумның мақсаты: білім алушылардың білім сапасын арттыру бойынша педагогтар жұмысының неғұрлым тиімді компоненттерін анықтау,  Жаяу Мұса атындағы Ақсу жоғары көпсалалы колледжінің арнайы пәндер оқытушыларының жұмыс тәжірибесін зерделеу, педагогтарды білім алушылардың білім сапасын арттыру бойынша белсенді жұмысқа ынталандыру.

Семинар барысында Ақан сері атындағы жоғары мәдениет колледжінің директоры және ОӘБ төрайымы  Қ. Ғ. Идрисова, Ақан сері атындағы жоғары мәдениет колледжі директорының орынбасарлары  Г.А.Кадралиева, Р.Б.Баткульдина, К.Р.Хасамбай сөз сөйледі.

Жаяу Мұса атындағы Ақсу жоғары көпсалалы колледжінің оқытушылары өз тәжірибелерімен бөлісті. «Әлеуметтік-мәдени қызмет» бағытындағы арнайы пәндердің циклдік әдістемелік комиссиясының төрайымы  Ю. В. Крылова «Әлеуметтік – мәдени сала мамандарын даярлау мәселелері бойынша колледждің жұмыс берушілермен әріптестік қатынастарын орнату және дамыту» тақырыбында сөз сөйледі. А.К.Жантурина «Мәдени – демалыс бағдарламаларын дайындау мен ұйымдастыруда IT – технологияларды қолдану» тақырыбында шеберлік сабағын өткізді.

Семинарға қатысушылар ТжКББ ұйымдарында білім беру мазмұнын жаңарту жағдайында әлеуметтік-мәдени сала мамандарын даярлаудың ағымдағы сұрақтары мен мәселелерін талқылады.

Семинар соңында ұсыныстар қабылданып, сертификаттар табысталды.

2.02.2023 ж. жұмыс жоспарына сәйкес онлайн форматта «Заманауи сабақты әзірлеу және өткізудегі  шығармашылық тәсілдер» тақырыбы бойынша шығармашылық бағыттағы әдістемелік бірлестіктің кезекті отырысы өтті.

Мақсаты: оқу-тәрбие үрдісін жетілдіру, оқыту сапасының оңтайлы деңгейіне қол жеткізу және жалпы педагогтердің шығармашылық әлеуетін дамыту.

Семинарға Көкшетау қаласы, Ақан сері атындағы жоғары мәдениет колледжінің, Көкшетау қаласы, Біржан сал атындағы музыка колледжінің, Степногорск қаласының жоғары колледжінің, Щучинск қаласының жоғары педагогикалық колледжінің әдіскерлері мен шығармашылық мамандықтарының оқытушылары қатысты.

Семинар қатысушыларына Ақмола облысы білім басқармасының  Оқу-әдістемелік кабинетінің әдіскері Қаракөз Мұқышқызы Жаманбаева құттықтау сөз сөйледі.  Ол семинар тақырыбының өзектілігін атап өтіп, барлық қатысушыларға жемісті жұмыс тіледі.

Семинарда келесі колледждердің оқытушылары студенттермен жұмыстағы  тәжірибесімен бөлісті:

Көкшетау қаласы, Ақан сері атындағы жоғары мәдениет колледжі

• Никитенко Вера Васильевна  «Музыкалық сауат» пәнін оқытудың заманауи шығармашылық тәсілі –«Минордың үш түрі» ақырыбында;
• Нурмышева Нургуль Байтлеуовна «Музыкалық білім беру арқылы талғамы биік, адамгершілігі мол тұлғаны тәрбиелеудегі қолданылатын педагогикалық оқыту принциптері мен шарттары» тақырыбында;
• Хавдыразах Кулжазира  «Киім композициясы» пәнін оқытуда заманауи технологияларды қолдану» тақырыбында.

Көкшетау қаласы, Біржан сал атындағы музыкалық колледжі

• Бузина Людмила Константиновна «Фортепиано сабағында шығармашылық тұлғаны дамытудың өзекті әдістері»  тақырыбында.

Красный Яр с. Агротехникалық колледжі

• Алшинбаева Гульнара  Естаевна «Өндірістік оқыту сабақтарында тұлғаға бағытталған оқытуды қолдану» тақырыбында.

Келесі оқытушылар инновациялық технологияларды қолдана отырып, өз қызметінің түрлері бойынша әртүрлі қызықты материалдармен сөз сөйледі:

БакубаеваДилбарТанзиповна  «Музыка әдебиеті сабақтарында қолданылатын ойын-сауық тәсілдері» тақырыбында,  Көкшетау қаласы, Біржан сал атындағы музыкалық колледжі

Ембергенова Гульназ Аманбаевна  «Дауысты қою сабағында студенттердің шығармашылық қабілеттерін қалыптастыру» тақырыбында, Щучинск қаласы, Жоғары педагогикалық колледжі

Кызыр Ануар Кенжебекулы «Өндірістік оқытудың заманауи сабағын дайындау кезіндегі білім беру үрдісіне қатысушылардың тиімді өзара іс-қимылы» тақырыбында, Степногорск қаласының  жоғары колледжі.

Семинар соңында заманауи сабақтың өзекті мәселелері бойынша әдістемелік ұсынымдар әзірленді.

Город Челябинск, Российская Федерация. Город Кокшетау, Республика Казахстан.  Международный творческий проект “Танцевальные мосты дружбы”, 2023 год.

Екі айдың ішінде педагогтердің озық педагогикалық тәжірибесін жинақтау бойынша байқаудың  облыстық кезеңі өтті.

Бұл байқаудың  негізгі мақсаты – облыстық педагогикалық тәжірибе деректер банкін құру және заманауи білім беруді дамыту үрдісін қамтамасыз ететін тәсілдер негізінде озық педагогикалық тәжірибені енгізу.

Облыстың барлық 18 колледжінен 34 жұмыс келіп түсті, оның ішінде сараптама комиссиясы республикалық деңгейде 4 жұмыс, облыстық деңгейде -22 жұмыс таратуға ұсынды.

Ақан сері атындағы жоғары мәдениет колледжінен  байқауға дизайн пәндері оқытушысы Мамбетова Ұлболсын Сағындыққызы  қатысып,  облыстық деңгейде педагогикалық тәжірибені жинақтау бойынша сертификат иегері атанды және облыстық озық педагогтар Банкінің тізіміне енгізілді.

Ұлболсын Сағындыққызын құттықтаймыз және  шығармашылық жетістіктер тілейміз!

Ақан сері атындағы жоғары мәдениет колледжінің 2010-шы жылғы түлегі Илья Григорьевич Карапыш бүгін өзі білім алған киелі шаңырағына қонақ болып емес азаматтық, адами міндетінен құтылғалы колледж табалдырығын аттады. Илья Григорьевич бізден қанаттанып түлеген нен кейін бүкіл Ресейлік байқаулар былай тұрып әлемдік аренаның назарын аударып би өнерінен бүкіл Европаны талантымен бағындырған азамат. «Су ішкен құдығыңа түкірме» деген тәлсім барғой, қанша атақ, абыройы өсседе, өзін қалыптастырып тұлға деңгейіне жетсе де өскен, өнген жерін ұмытпай құр келмей қасына “50” ге жуық кәсіби хореграф әріптестерін ерте келіп өнер алмасып, шеберлік сағатын өткізді. « Достық би көпірі» деп аталатын арнайы жоба аясында Челябинск қаласының Мэрінің қолдауына ие болып туған өлкесіне табан тіреді. Кездесу барысын да Көкше өңірінің талантты қызы колледжіміздің аға оқытушысы Ордабаева Гульмира Миргалиқызынан қазақ биінің қыр-сырын үйреніп, өздерінің ұлттық билерін ортаға салып тамаша өнер алмасу кешін өткізді. «Мәдениет-ұлттың мәйегі» деген мәйекті сөз барғой Ильяның айтуынша қазақ елінің мәдениеті мен оқыған, өскен жерін жүрген жерінде насихаттап, оң пікірлер айта жүредіекен . Жақсы адамнан ғана таза һәм хас өнер туады. Бүгінгі күн колледж студенттері мен оқытушылары на тамаша тәжрибе ұмытылмас ұтымды күн болды. Жүзі басқа болсада жүрегі бір, тілі басқа болсада тілегі бір Илья Григорьевичқа алғыстан басқа айтарымыз жоқ. Қазақ өнері жасасын.

Мұзбалақ ақын Мұқағали барша қазақ жұртының жүрегінен ойып орын алғаны анық. Өткен апта күллі қазақ Мұқағалидың туған күніне орай үлкенді-кішілі рухани іс-шаралар өткізді. Осынау мәдени шараларға Ақан сері атындағы жоғары мәдениет колледжі де өз үнін қоспақ ниетпен тамаша бастаманы қолға алды. Колледж жанынан құрылған “ЕL-jastar “ театрының репертуары тағы да бір тамаша дүниемен толықты. Колледж оқытушысы – Нұрислам Әбділдің режиссерлік кезекті жұмысы жаңа қырынан көрерменге жол тартпақ. “Мен деп ойла…” атты поэтикалық кеші көрерменге рухани азық сыйлары сөзсіз. Кеше 15 і ақпанда колледж әкімшілігіне жабық көрсетілген театрландырылған кештің жуырда арнайы ПРЕМЬЕРАСЫН өткізбек ниеттеміз. Бұл қойылым кеше ғана көркемдік кеңеске тапсырылып, бүгін 16-ақпанда Көкшетау қалалық жоғары техникалық колледжінде көрермен алдында сахналанды. Алдағы уақытта барша театрсүйер, өнерсүйер көрерменді арнайы тұсаукесердің көрсетіліміне шақырамыз. Көрерменнің эстетикалық мәдениетін көтеретін театрландырылған жартылай лекция кеші сіздерге жол тартуға әзір.
Сүйінші жаңалықтың сәті мен күні туралы тағы да құлағдандыратын боламыз. Премьерада жолыққанша амандықта, саулықта болыңыздар!

2023 жылғы 9-10 ақпанда Ақан сері атындағы жоғары мәдениет колледжінің директоры, «Өнер және гуманитарлық ғылымдар» бейіні бойынша республикалық ОӘБ төрайымы К.Г.Идрисова, директордың ОӘБ бойынша орынбасары А. Е. Ақтаева, арнайы пәндер оқытушысы Г. А. Рыбакова  Павлодар облысы Ақсу қаласының «Жаяу Мұса атындағы Ақсу жоғары көпсалалы колледжі» ШЖҚ КМК базасында ұйымдастырылған «Кредиттік-модульдік және дуальды оқыту жүйесі форматында болашақ әлеуметтік-мәдени сала мамандарының кәсіби қасиеттерін жетілдіру» тақырыбында өңірлік семинарға қатысты.

Семинарға Павлодар облысы білім басқармасының оқу-әдістемелік кабинетінің, Ақмола, Қарағанды, Павлодар, Қостанай, Ақтөбе, Шығыс Қазақстан облыстарының «Өнер және гуманитарлық ғылымдар»  бейінінің ТжКБ ұйымдарының өкілдері қатысты.

Семинардың мақсаты техникалық және кәсіптік, орта білімнен кейінгі білім беру мазмұнын жаңарту аясында тәжірибе алмасу болды.

Семинар барысында К. Г.Идрисова  «Техникалық және кәсіптік, орта білімнен кейінгі білім беру мазмұнын жаңартудың өзекті мәселелері» тақырыбында сөз сөйледі.

Бағдарламаға сәйкес «Әлеуметтік-мәдени қызмет (түрлері бойынша)» мамандығы бойынша дуальды оқытуды, «Халық көркем шығармашылығы (түрлері бойынша)» мамандығының білім беру бағдарламасын инновациялық дамыту тетігі ретінде WorldSkills қозғалысын іске асыру мәселелері де қамтылды.

Колледжге экскурсиядан кейін оқытушылар  мәдениет және өнер сегментінің мамандарын даярлаудың өзекті мәселелері бойынша пікірлермен, идеялармен және  ұсыныстармен алмасты.

Семинардың екінші күні арнайы пәндер оқытушыларымен «Мәдени-демалыс іс-шарасының хореографиялық шешімі», «Мәдени-демалыс бағдарламаларын дайындау мен ұйымдастыруда  IТ технологияларды қолдану», «Бос уақыттың музыкалық формалары» тақырыптарында  шеберлік сыныптарын өткізілді. Іс-шараның аяқталуы «Мәдениет бөлімі: кеше, бүгін, ертең…»  фотокөрмесін, бейнефильмді, «Колледж жұлдыздарды жағады» мерекелік бағдарламасын тамашалаумен атап өтілді.

Бұл семинар пайдалы әрі тиімді болды, өйткені озық педагогикалық тәжірибе алмасу мен  білім беруді жаңартудың өзекті мәселелерін талқылау, әсіресе өнер және мәдениет саласында қажет. Сондай-ақ, басқа өңірлердегі әріптестердің қалай жұмыс істейтінін көру, салыстыру, жаңасын алу, білім беру қызметінің туындайтын мәселелерінде тәжірибе мен табысты шешімдермен бөлісу өте маңызды.

2023 жылғы 2 ақпанда Ақан сері атындағы жоғары мәдениет колледжінің базасында «lessonstady педагогтар арасындағы ынтымақтастықты кеңейту ресурсы ретінде» тақырыбында әдістемелік семинар өтті. Бұл іс-шараның негізгі мақсаты – колледж педагогтарының кәсіби құзыреттілігін арттыру үшін жағдайларды қамтамасыз етуге жәрдемдесу. Арнайы және жалпы білім беру пәндерінің педагогтары, директордың оқу-өндірістік жұмыс жөніндегі орынбасары, оқу бөлімінің меңгерушісі, барлық пәндік комиссиялардың төрағалары қатысты.

Семинар онлайн және офлайн режимде өтті.

Жетекші дәріскерлер ретінде «Өрлеу» БАҰО» АҚ филиалы Ақмола облысы бойынша педагогикалық қызметкерлердің біліктілігін арттыру институтының аға оқытушысы Сағындықова Гүлдана Мырзабекқызы сөз сөйледі. Щучинск жоғары педагогикалық колледжі директорының оқу-әдістемелік жұмысы жөніндегі орынбасары Хасанова Гүлнара Мейрамқызы «lessonstadu педагогтардың өзара іс-қимыл тетігі ретінде: жоғары педагогикалық колледждің жұмыс тәжірибесінен» тақырыбы бойынша өз жұмыс тәжірибесімен бөлісті. «Сабақты зерттеу –  жұмыс тобы мүшесінің рефлексиясы» тақырыбы бойынша колледж тарихының оқытушысы Раушан Қайруллинқызы Бекмағамбетова сөз сөйледі. Осы колледждің жас педагогы, дене шынықтыру оқытушысы Мәди Қанатұлы Жомартов «Дене шынықтыру сабақтарын зерттеу:  жас педагогтың тәжірибесі» тақырыбы бойынша өз жұмысының тәжірибесі туралы хабардар етті.

Әдістемелік семинар отырысының қорытындысы бойынша осы тақырыптың теориялық және практикалық негіздері бойынша ұсыныстар әзірленді.

2023 жылғы 1 ақпанда  Ш. Уәлиханов атындағы Көкшетау университетінің көпсалалы колледжінің базасында  «Білім беру сапасын басқару құралы ретінде заманауи технологиялар» тақырыбында колледждердің жетекші педагогтарының – жалпы білім беретін және арнайы пәндер оқытушыларының,  «Үздік педагог» атағы иегерлерінің,  түрлі байқаулардың  жеңімпаздары мен жүлдегерлерінің семинар-практикумын өтті.

Ақан сері атындағы жоғары мәдениет колледжінен қазақ тілі мен әдебиеті пәнінің оқытушысы М. М. Сейфуллаева  және дизайн пәндерінің оқытушысы,   педагог-шебер, түрлі байқаулардағы   жүлделі орындардың иегері  Ұ.С.Мамбетова қатысты.

Ұлболсын Сағындыққызы  «Кәсіптік білім  беруде  дизайн мамандығының білім алушыларына  кескіндеме арқылы эстетикалық  және  ұлттық  тәрбие  беру маңыздылығы»  тақырыбында  көрме-сабақ өткізді. Соңғы жылдары оның жетекшілігімен жасалған суреттер көрсетіліп, студенттермен жұмыс әдістемесі жан-жақты  қарастырылды.

Семинар соңында өз тәжірибесін таратқаны үшін, әдістемелік шеберлігінің жоғары деңгейі үшін сертификаттар табысталды.

Мемлекеттік қызмет көрсету реестріне сәйкес Ақмола облысы білім басқармасының  жанындағы «Көкшетау қаласы, Ақан сері атындағы  жоғары мәдениет колледжі» МКҚК 7 мемлекеттік қызмет көрсетеді.

2022 ж. қорытынды бойынша көрсетілген мемлекеттік қызметтер саны 447, соның ішінде:

– қағаз нысанында –  263

– Мемлекеттік корпорация арқылы –  12

–  e-gov арқылы – 3

– ақпараттық жүйелер арқылы – 169

– бас тартылды – 0.

1. Техникалық және кәсіптік білім беру ұйымдарындағы білім алушыларға жатақхана беру -105
2. Техникалық және кәсiптік бiлiм туралы құжаттардың телнұсқаларын беру – 20
3. Техникалық және кәсіптік, орта білімнен кейінгі білім беру ұйымдарына құжаттар қабылдау-160
4. Техникалық және кәсіптік, орта білімнен кейінгі білім алуды аяқтамаған адамдарға анықтама беру-9
5. Техникалық және кәсіптік, орта білімнен кейінгі білімнің білім беру бағдарламаларын іске асыратын білім беру ұйымдарындағы білім алушыларды ауыстыру және қайта қабылдау-4
6. Техникалық және кәсіптік, орта білімнен кейінгі және жоғары білім беру ұйымдарындағы тәрбиеленушілер мен білім алушылардың жекелеген санаттағы азаматтарына, сондай-ақ, қорғаншылық (қамқоршылықтағы) пен патронаттағы тұлғаларына тегін тамақтандыруды ұсыну-148
7. Білім беру ұйымдарында білім алушыларға академиялық демалыс беру-1

Тұрғындарды ақпараттандыру мақсатында колледж сайтының «Мемлекеттік қызмет көрсету» бөлімінде білім беру саласында мемлекеттік қызмет көрсету стандарттары, мемлекеттік қызмет көрсету регламентін бекіту туралы қабылданған бұйрықтар және берілген қызметтерді көрсету туралы нұсқаулық орналастырылған.

Сонымен қатар, Мемлекеттік қызмет көрсету мәселелері бойынша қолжетімділік және тұрғындарды ақпараттандыру  мақсаттарында ұйымда көрнекі ақпарат стенді (стандарттар, өтініш үлгілері және т.б.) орналастырылған . Мемлекеттік органның ресми Интернет-ресурсында стандарттар, регламенттер, шағым беру тәртібі, байланыс ақпарат орналастырылған «мемлекеттік қызмет көрсету» бөлімі жұмыс істейді.

Көкшетау қалалық әкімдігіне ай сайын  7 мемлекеттік қызмет көрсетуді ұсыну бойынша ішкі мониторинг жұмысы жөнінде есеп ұсынылады. Мемлекеттік қызмет көрсетуді ұсыну мерзімдері  бұзылған жоқ.

Колледжде мемлекеттік қызмет көрсету үрдісінің, сапасы мен қолжетімділігінің күнделікті мониторингі жүргізіледі. Мемлекеттік қызмет көрсету бойынша шағым түскен жоқ.

Электрондық мемлекеттік қызмет көрсету тәртібі жөнінде толық ақпарат колледж фойесі мен халыққа қызмет көрсету оталығындағы стендтерде,  сонымен қатар колледждің интернет-ресурсының мемлекеттік қызмет көрсету бөлімінде орналастырылған.

Қызмет көрсету мәселелері бойынша мына нөмірге хабарласыңыз: 8716-2-32-91-86, Көкшетау қаласы, Жамбыл Жабаев көшесі, 140.