«WorldSkills Aqmola-2022» Первый день
Құрылған күні: 2022.04.19 18:39:23
Ақан сері атындағы жоғары мәдениет колледжі Көкшетау қаласы
Ақан сері атындағы жоғары мәдениет колледжі Көкшетау қаласы
2022 жылдың 18-20 сәуір аралығында Ақан сері атындағы жоғары мәдениет колледжі «WorldSkills Aqmola-2022» аймақтық чемпионаты өтетін жұмыс алаңына айналады. Жарыс бес құзыреттілік бойынша өтеді: Флористика, Сән технологиясы, Хореографиялық ұжымның жетекшісі, Әлеуметтік-мәдени қызмет, Сәнді киім және аксессуарлар дизайны. Чемпионатқа Ақмола облысының техникалық және кәсіптік білім беру ұйымдарының 20 студенті қатысады. Үш конкурстық күн ішінде Щучинск қаласының жоғары педагогикалық колледжі, Щучинск қаласының жоғары орман шаруашылығы, экология және туризм колледжі, Атбасар қаласының аграрлық – индустриялық колледжі, Көкшетау қаласының жоғары техникалық колледжі, Степногорск қаласының жоғары колледжі, Красный Яр ауылының агротехникалық колледжі, Шағалалы ауылының жоғары агротехникалық колледжі, Ақан сері атындағы жоғары мәдениет колледжінің колледжішілік жарыстарының жеңімпаздары мен жүлдегерлері өз дағдыларын көрсетеді.
Бірінші конкурстық күн ашылу салтанатынан басталды. Сахнаға осы чемпионатқа қатысушы барлық колледждердің қатысушылары мен компатриот – сарапшылары шақырылды. Ақмола облысы білім басқармасының облыстық оқу-әдістемелік кабинетінің әдіскері А.А.Нұрмұханбетова құттықтау сөз сөйледі. Ашылу салтанаты Ақан сері атындағы жоғары мәдениет колледжі студенттерінің концерттік бағдарламасымен аяқталды.
Жыл сайын өтетін «WorldSkills Aqmola-2022» аймақтық чемпионаты Ақмола облысының дарынды жастарына, таңдалған құзыреттілігі бойынша қол жеткізілген кәсіби шеберлік деңгейлерін көрсетуге мүмкіндік береді. Өңірлік чемпионатта құзыреттіліктердің саны жылдан жылға артып келе жатқаны қуантады. Өнер және мәдениет бейініндегі колледж студенттері «Әлеуметтік-мәдени қызмет», «Сәнді киім және аксессуарл дизайны» атты жаңа құзыреттіліктер бойынша жоғары білім деңгейін, шығармашылық қабілеттерін көрсетуге мүмкіндік алды.
Барлық қатысушыларға сәттілік, табысты жарыс тілейміз!
Ақан сері атындағы жоғары мәдениет колледжінде Дүниежүзілік денсаулық күніне арналған іс-шара аясында «Денсаулық маршы» атты жаппай жаттығу өткізілді. Бұл жаттығу студенттер мен оқытушылардың көңіл-күйіне жақсы әсер етті, физикалық және рухани денсаулық жағдайын жақсартты.
Ырғақты музыка мен жалпы позитивті көңіл-күй күні бойы сергектік қуатын алуға ықпал етті!
Денсаулық күніне арналған іс-шаралар жоспары аясында кураторлар “Есірткіге жол жоқ” тақырыбында сынып сағатын өткізді. Студенттер адам денсаулығына есірткі заттарының тигізетін жағымсыз салдары туралы таныстырылды.
Ақан сері атындағы жоғары мәдениет колледж кітапханасында, Ақын, драматург, прозаик, Мемлкеттік «Дарын» Жастар сыйлығының лауреаты, халықарлық “Шабыт” фестивальінің дипломанты, Республикалық, Халықаралық байқаулардың жеңімпазы Манарбек Қыдырбайұлының «Жұпарлы жаңбыр» атты алғашқы туындысының тұсаукесері болып өтті. Кітаптың тұсаукесеріне 1-4 курс студенттері қатысып, ақынның шағармашылығы туралы көптеген сұрақтар қойылды және көрермен өз пікірлерін білдірді. Ақын өз қолынан өзінің оқыған білім ордасының кітапханасына кітабын сйға тартты.
Ақан сері атындағы мәдениет колледжі мен Біржан сал атындағы музыкалық колледж командалары арасында жолдастық дебюттік ойын өтті.
Ойын АПФ (Американдық парламенттік Формат) форматында өтті және осы пікірсайыс раундының қарары келесідей болды: Бұл палата Қазақстанның ядролық қарудан бас тартуын орынды деп санайды.
Жолдастық ойынның бас төрешісі Көкшетау қаласының №2 мектеп – лицейінің 11 сынып оқушысы, республикалық, облыстық, қалалық пікірсайыс турнирлерінің 8 дүркін жүлдегері, бірнеше дүркін төреші және «Үздік төреші» атағының екі мәрте иегері Жакимова Гаухар болды. Сонымен қатар, Көкшетау қаласының пікірсайыс қозғалысының үйлестірушісі-Кенжебаев Мұрат Қайырбекұлы қатысты.
14.30-да командалар ойын позициясына жеребе тастады: Үкімет – Біржан атындағы музыкалық колледжі, оппозиция – Ақан сері атындағы мәдениет колледжі болды.
Шиеленіскен күрес барысында Ақан сері атындағы мәдениет колледжінің командасы жеңіске жетті, алайда Біржан сал атындағы музыкалық колледждің дебатерлері көрермендердің көзайымына ие болды.
